काठमाडौं। प्रधानमन्त्री प्रचण्डले आफूले पाएको विश्वासको मतलाई चुनौतीको रुपमा लिएको बताएका छन्। ‘भुवन दाइ’ पुस्तक लोकार्पण कार्यक्रमलाई सम्बोधन गर्दै प्रधानमन्त्री प्रचण्डले सो कुरा बताएका हुन्। सिंगो सदनले नै असाधारण समर्थन प्राप्त गरेको उल्लेख गर्दै प्रचण्डले भने, ‘सिंगै सदन नै सहमत भएर असाधारण उचाइका साथ समर्थन प्राप्त छ। करिब-करिब प्रधानमन्त्रीमा राष्ट्रिय सहमति भएको हुनाले थप चुनौतीको विषय हो भन्ने ठानेको छु।’
