फागुन १३, काठमाडौँ । नेपाली बजारमा शुक्रवार सुनको मूल्य घटेको छ । बिहीवार एकै दिन प्रतितोला २ हजार ५०० रपैयाँले बढेर ९९ हजार रुपैयाँ पुगेको सुन शुक्रवार १ हजार रुपैयाँले घटेर ९८ हजार रुपैयाँमा आएको छ ।
नेपाल सुन चाँदी व्यवसायी महासघंका अनुसार बिहीवार सुन प्रतितोला १ हजार रुपैयाँले घट्दा, चाँदी प्रतितोला २० रुपैयाँले घटेर १ हजार ३३५ रुपैयाँ कायम भएको छ ।
अन्तर्राष्ट्रिय बजारमा भने सुनको भाउ निरन्तर उकालो लागेको छ । रुस युक्रेन बीचको तनावका कारण अन्तर्राष्ट्रिय बजारमै सुनको मूल्य करिब २ हजार डलर नजिक पुगेको छ । शुक्रबार अन्तर्राष्ट्रिय बजारमा सुनको मूल्य प्रतिऔंस १ हजार ९१३ डलर ८१ सेन्ट पुगेको छ ।
अन्तर्राष्ट्रिय बजारमा डलरको भाउ पनि बढेको छ । बिहीवार डलरको विक्रिदर ११९ रुपैयाँ ६० पैसा रहेकोमा शुक्रवार १२१ रुपैयाँ ३५ पैसा कायम भएको छ ।
