विजयकुमार थारु/बाँके
लाखौँ रुपैयाँ खर्चेर रोजगारीको लागि विदेश जानुपर्छ । त्यसैमा पनि म्यानपावर तथा एजेण्टले ठगीका अनेक तरिका अपनाउँछन् । मलाई पनि एकजना एजेण्टले यूएईमा राम्रो कम्पनीको सेक्युरिटीमा पठाउने भनेर डेढ लाख रुपैयाँ माग्यो ।
यो गएको अगस्टको कुरा हो । सुर्खेतका मनम घर्ती नाम गरेका एकजनासँग फेसबुकमार्फत नै चिनजान थियो मेरो । उनले नै यूएई पठाइदिने कुरा गरेपछि मैले चिनेकै मान्छे, ठिकै होलान् भन्ने लाग्यो । उनलाई अगस्ट एक तारिखमा एकलाख ४५ हजार रुपैयाँ बुझाएँ ।
कामदार भिसामा पठाउँछु भनेको...
