सूर्या लाइफ इन्स्योरेन्सको साधारणसभा आह्वान, शेयर संरचना परिवर्तन गर्ने प्रस्ताव

सूर्या लाइफ इन्स्योरेन्स Surya Life Insurance Company ले साधारणसभा आह्वान गरेको छ । कम्पनीले पुस १९ गते विराटनगर स्थित होटेल हैरिसन प्यालेसमा साधारणसभा आह्वान गरेको हो । सभामा लाभांश सहितका विविध प्रस्ताव पेश हुने छन् । कम्पनीले आर्थिक वर्ष २०७६/७७ को मुनाफाबाट हाल कायम चुक्ता पुंजीको १२.७० प्रतिशत बोनस शेयर र कर प्रयोजनको लागि ०.६६८४ प्रतिशत नगद लाभांश गरि कुल १३.३६८४ प्रतिशत लाभांश वितरण गर्ने प्रस्ताव गरेको छ । कम्पनीको आगामी साधारणसभाले पारित गरेपछि उक्त लाभांश लगानीकर्तामा बितरण हुने छ । हाल कम्पनीको चुक्ता पुंजी २ अर्ब २६ करोड २८ लाख रहेको छ ।कम्पनीले साधारणसभा प्रयोजनको लागि पुस ९ गतेदेखि पुस १६ गतेसम्म बुक क्लोज गर्ने निर्णय गरेको छ । पुस ८ गतेसम्म कायम शेयरधनीले मात्र सभामा भाग लिन तथा प्रस्तावित लाभांश पाउन सक्ने छन् । यस्ता छन् कम्पनीको सभामा पेश हुने प्रस्तावहरु : क) सामान्य प्रस्तावः १. संचालक समितिका तर्फबाट अध्यक्षज्यूबाट पेश हुने आर्थिक वर्ष २०७६/०७७ को वार्षिक प्रतिवेदन उपर छलफल गरी पारित गर्ने। २. लेखा परीक्षकको प्रतिवेदन सहितको २०७७ साल आषाढ मसान्तको वासलात, सोही मितिमा समाप्त भएको आर्थिक वर्ष २०७६/०७७ को नाफा/नोक्सान हिसाव र नगद प्रवाह विवरण एवं तत्सम्बन्धी अनुसूचीहरु माथि छलफल गरी पारित गर्ने । ३. लेखा परीक्षण समितिको सिफारिस बमोजिम आर्थिक बर्ष २०७७/०७८ को लागि लेखा परिक्षक नियुक्ति गर्ने तथा नीजको पारिश्रमिक निर्धारण गर्ने । ४. संचालक समितिले प्रस्ताव गरे बमोजिम चुक्ता पूँजी रु.२,२६,२८,९४,५००/- को ०.६६८४ प्रतिशतका दरले हुने रकम रु.१,५१,२५,६६३/- नगद लाभांश (प्रस्तावित बोनस शेयरको कर प्रयोजनको लागि) स्वीकृत गर्ने । ५. संस्थापक शेयरधनी समूह (क) बाट संचालक समितिमा प्रतिनिधित्व गर्ने ४ (चार) जना संचालक र सर्वसाधारण शेयरधनी समूह (ख) बाट संचालक समितिमा प्रतिनिधित्व गर्ने २ (दुई) जना संचालकको निर्वाचन गर्ने । ख) विशेष प्रस्तावः १. संचालक समितिले प्रस्ताव गरे बमोजिम विद्यमान चुक्ता पूँजी रु.२,२६,२८,९४,५००/- (अक्षरेपी दुई अर्ब छब्बिस करोड अट्ठाईस लाख चौरानब्बे हजार पाँच सय मात्र) को १२.७० प्रतिशतका दरले हुने रकम रु.२८,७३,८७,६००/- (अक्षरेपी अट्ठाईस करोड त्रिहत्तर लाख सतासी हजार छ सय मात्र) बराबरको शेयर लाभांश (बोनस शेयर) वितरण गर्ने प्रस्ताव पारित गर्ने । शेयर लाभांश (बोनस शेयर) वितरण गर्दा कायम हुन आउने दशमलव पछिको भिन्न अंक (Fraction) लाई सम्बन्धित शेयरधनीको नाममा पछि समायोजन गर्ने गरि यथावत राख्ने । २. शेयर लाभांश (बोनस शेयर) वितरण पश्चात् हुने शेयर संरचना बमोजिम जारी पूँजी तथा चुक्ता पूँजीलाई सोही अनुरुप बृद्धि गर्ने । ३. कम्पनीको बिद्यमान संस्थापक र सर्वसाधारण शेयर स्वामित्वको ६०:४० को संरचनालाई परिवर्तन गरि ५१:४९ प्रतिशत कायम गर्ने र सोही अनुरुप ५१ प्रतिशत भन्दा बढि भएको संस्थापक शेयरलाई सर्वसाधारण शेयरमा परिणत गर्ने प्रस्ताव पारित गर्ने । ४. कम्पनीको प्रवन्धपत्र तथा नियमावलीमा प्रस्ताव भए बमोजिम आवश्यक संशोधन गर्ने । कम्पनीको प्रवन्धपत्र तथा नियमावलीको प्रस्ताबित संशोधनमा सम्बन्धित निकायबाट कुनै संशोधन, फेरबदल वा थपघट गर्न निर्देशन प्राप्त भएमा सोही बमोजिम आवश्यक संशोधन/फेरबदल गर्ने अख्तियारी संचालक समितिलाई प्रदान गर्ने । ५. कम्पनी ऐनको दफा १०५ (१) (ग) बमोजिम आ.व. २०७६/०७७ मा चन्दा शिर्षक अन्तर्गत भएको खर्चको अनुमोदन गर्ने ।

पूर्ण विवरण

सम्बन्धित सामग्री

सूर्या लाइफको २२ लाख कित्ता बढी संस्थापक शेयर साधारणमा परिणत

सूर्या लाइफ इन्स्योरेन्स Surya Life Insurance Company को २२ लाख कित्ता बढी संस्थापक शेयर साधारणमा परिणत भएको छ । कम्पनीको २२ लाख ९५ हजार २ सय ५४ कित्ता संस्थापक शेयर साधारणमा परिणत भएको हो । शेयर परिणत भएसंगै कम्पनीमा संस्थापक र सर्वसाधारण समुहको शेयर अनुपात ५१:४९ कायम भएको छ । कम्पनीको साधारणले पारित गरेको प्रस्ताव अनुसार कम्पनीको शेयर संरचना परिवर्तन गरिएको हो ।कम्पनीको पुस १९ गते सम्पन्न साधारणसभाले 'कम्पनीको बिद्यमान संस्थापक र सर्वसाधारण शेयर स्वामित्वको ६०:४० को संरचनालाई परिवर्तन गरि ५१:४९ प्रतिशत कायम गर्ने र सोही अनुरुप ५१ प्रतिशत भन्दा बढि भएको संस्थापक शेयरलाई सर्वसाधारण शेयरमा परिणत गर्ने प्रस्ताव पारित गर्ने ।' प्रस्ताव पारित गरेको थियो ।

Bizpati फाल्गुन २०७८

सूर्या लाइफ इन्स्योरेन्सको शेयर संरचना सर्वसाधारणतर्फ ९% बढ्ने

फागुन ९, काठमाडौं । सूर्या लाइफ इन्स्योरेन्स कम्पनी लिमिटेडले शेयर संरचना परिवर्तन गर्ने भएको छ । कम्पनीले हाल कायम संस्थापकतर्फको ६० प्रतिशत शेयर संरचनालाई ५१ प्रतिशत र सर्वसाधारणतर्फको ४० प्रतिशत शेयर संरचनालाई ४९ प्रतिशत कायम गर्ने भएको हो । कम्पनीको गत पुस १९ गते सम्पन्न १३ औं वार्षिक साधारण सभाले शेयर संरचना परिवर्तनका लागि अनुमति प्रदान गरिसकेको छ । यस आधारमा कम्पनीको संस्थापक तर्फको शेयर स्वामित्व ९ प्रतिशत घट्ने भएको छ । ९ प्रतिशत संस्थापक शेयर स्वामित्व सर्वसाधारणमा परिणत हुने हुँदा इच्छा नभएका सदस्यहरुलाई आगामी सात दिनभित्र स्वःघोषणा पत्र पेश गर्न कम्पनीले अनुरोध गरेको छ । यदि तोकिएको अवधिभित्र संस्थापक शेयरधनीहरुबाट स्वःघोषणा पत्र प्राप्त नभएमा ९ प्रतिशत संस्थापक शेयर सर्वसाधारणमा परिणत गरिने जानकारी समेत कम्पनीले दिएको छ । हाल कम्पनीको चुक्तापूँजी रू. २ अर्ब ५५ करोड २ लाख ८२ हजार रहेको छ । यस वर्ष कम्पनीले अघिल्लो आर्थिक वर्ष ०७६/७७ को मुनाफाबाट १२ दशमलव ७० प्रतिशत बोनस शेयर र कर प्रयोजनका लागि शून्य दशमलव ६७ प्रतिशत नगद लाभांश वितरण गरेको छ ।

Aarthik Abhiyan माघ २०७८

सूर्या लाइफको साधारणसभा सम्पन्न

काठमाडौं (अस) । सूर्या लाइफ इन्स्योरेन्स कम्पनीको १३ औं वार्षिक साधारणसभा विराटनगरमा सम्पन्न भएको छ । साभारणसभाको अध्यक्षता कम्पनी सञ्चालक समिति अध्यक्ष केशवप्रसाद भट्टराईले गरेका थिए । साधारणसभाले चुक्ता पुँजीको १२.७० प्रतिशत बोनस शेयर तथा ०.६६८४ प्रतिशत नगद लाभांश गरी १३.३६८४ प्रतिशत लाभांश वितरण प्रस्ताव पारित गरेको छ । सभाले कम्पनीको संस्थापक र सर्वसाधारण शेयर संरचना परिवर्तन गर्ने प्रस्ताव पारित गर्नुका साथै सञ्चालक समितिमा संस्थापक शेयरधनी समूह ‘क’ बाट प्रतिनिधित्व गर्ने ४ सञ्चालक र सर्वसाधारण शेयरधनी समूह ‘ख’ बाट प्रतिनिधित्व गर्ने २ सञ्चालक निर्वाचित गरेको छ । संस्थापक शेयरधनी समूह ‘क’ बाट केशवप्रसाद भट्टराई, हेमन्त नाहटा, विशाल अग्रवाल तथा विवेक झा र सर्वसाधारण शेयरधनी समूह ‘ख’ बाट कृति टिवडेवाल तथा वीरेन्द्रबाबु श्रेष्ठ निर्वाचित भएको कम्पनीले बताएको छ । कम्पनीले चालू आव ०७८/७९ को मंसिर मसान्तसम्म देशभरिका आफ्ना १३५ शाखा सञ्जालमा रहेका ४९,७१७ अभिकर्तामार्फत १२२९७० बीमालेखबाट रु.२,०१,८५,७१,३१८ बीमाशुल्क आर्जन गर्नुका साथै कुल दाबी भुक्तानी रु.२९,१८,६७,३१० गरेको जनाएको छ ।

Aarthik Abhiyan मंसिर २०७८

सूर्या लाइफ इन्स्योरेन्को १३औं वार्षिक साधारण सभा सम्पन्न, १३.३६% लाभांश पारित

पुस १९, काठमाडौं । सूर्या लाइफ इन्स्योरेन्स कम्पनी लिमिटेडको १३औं वार्षिक साधारण सभा सोमवार सम्पन्न भएको छ । सभा कम्पनीका सञ्चालक समितिका अध्यक्ष केशव प्रसाद भट्टराईको अध्यक्षतामा विराटनगर स्थित होटल हैरिसन प्यालेसमा सम्पन्न भएको हो । सभाले चुक्तापूँजीको १२ दशमलव ७० प्रतिशत बोनस शेयर तथा शून्य दशमलव ६६ प्रतिशत नगद लाभांश गरी कुल १३ दशमलव ३६ प्रतिशत लाभांश वितरण गर्ने प्रस्ताव पारित गरेको छ । साथै, सभाले कम्पनीको संस्थापक र सर्वसाधारण शेयर संरचना परिवर्तन गर्ने प्रस्ताव पारित गर्नुका साथै सञ्चालक समितिमा संस्थापक शेयरधनी समूह ‘क’ बाट प्रतिनिधित्व गर्ने ४ जना सञ्चालक र सर्वसाधारण शेयरधनी समूह ‘ख’ बाट प्रतिनिधित्व गर्ने २ जना सञ्चालकहरुको निर्वाचन समेत सम्पन्न गरेको छ । संस्थापक शेयरधनी समूह ‘क’ बाट केशव प्रसाद भट्टराई, हेमन्त नाहटा, विशाल अग्रवाल तथा विवेक झा निर्वाचित भएका छन् भने सर्वसाधारण शेयरधनी समूह ‘ख’ बाट कृति टिवडेवाल तथा वीरेन्द्र बाबु श्रेष्ठ निर्वाचित भएका हुन् । बोनस शेयर वितरण पश्चात् कम्पनीको चुक्तापूँजी रू. २ अर्ब ५५ करोड २ लाख ८२ हजार १०० कायम हुनेछ ।

Aarthik Abhiyan मंसिर २०७८