डोटी । कोरोनाका कारण बन्द भएका आन्तरिक उडान यही असार १७ गतेदेखि पुनः सञ्चालन भएसँगै सुदूरपश्चिममा पनि आन्तरिक हवाई उडान शुरू हुने भएको छ । कोरोना महामारीका कारण कम्तीमा तीन महीनादेखि उडान बन्द भएको दिपायल–धनगढी हवाई उडान यही असार २२ गतेदेखि पुनः सञ्चालन हुने नागरिक उड्डयन प्राधिकरणले बताएको छ । दिपायल–धनगढी हप्ताको दुई दिन मंगलवार तथा शुक्रवार समिट एयरले उडान भर्ने तालिका तयार गरी हवाई उडान पुनः सञ्चालनका लागि तयारी गरेको दिपायल विमानस्थल कार्यालयले बताएको छ । कोरोना रोकथाम तथा नियन्त्रणका लागि सरकारले गरेको निषेधाज्ञाका कारण यहाँका डोटीको दिपायलसहितका अन्य जिल्लाहरू बझाङ, अछाम र बैतडीका आन्तरिक हवाई उडान बन्द भएका थिए । रासस
