प्रजातन्त्रका सेनानी भागवतप्रसाद यादवको स्मृतिमा सालिक स्थापना गरिएको छ । सिम्रौनगढ नगरपालिका–९ कचोर्वाको बसवरियामा उनको सालिक स्थापना गरिएको हो । स्वर्गीय भागवतप्रसाद यादव स्मृति प्रतिष्ठानका अध्यक्ष तथा सिम्रौनगढका नगर प्रमुख विजयशंकर यादवले अर्धकदको शालिक स्थापना गरिएको बताए । ‘प्रजातन्त्र, देश र जनताका लागि बुवाले पुर्याउनुभएको योगदानलाई जीवन्त राख्न आफ्नै प्रयासमा सालिक स्थापना गरेको हुँ,’ यादवका छोरा समेत रहेका विजयशंकरले भने ।
