कोरोना महामारीको त्रास सबैतिर छ । कोरोनाको त्रासले नेपालमा पनि सबै क्षेत्रमा क्षति पु¥याएको छ । नेपाल कृषि प्रधान देश भएकाले कोरोना त्रास कायम रहे पनि किसान भने खेतीपाती गर्ने तयारीमा जुटेका छन् । यस क्षेत्रका किसान धानको ब्याड राख्ने समय नजिकिएपछि सामाजिक दूरी कायम गर्दै कुला खन्ने कार्यमा जुटेका छन् । धानको ब्याड राख्न र खेती गर्नका लागि पानीको व्यवस्था गर्न अहिले कैलालीको टीकापुर नगरपालिका र जानकी गाउँपालिकाका किसान कुलो र नाला खन्ने तथा सरसफाइ गर्ने कार्यमा व्यस्त छन् ।
