सरकारले स्थानीय तह निर्वाचन २०७९ वैशाख ३० गतेका लागि तय गरेको छ । निर्वाचनको मिति तय भएसँगै जनतामाझ दलीय लिखित प्रतिबद्धता गर्न घोषणापत्र जारी गर्ने गरिएको छ । चुनावताका प्रतिबद्धता जनाउने र कार्यान्वयनमा ध्यान नदिने दलहरूको पुरानै कार्यशैली हो । घोषणापत्र केवल जनता झुक्याउने अस्त्र मात्र बन्दै गएको देखिन्छ । यसअघि २०७४ को निर्वाचनमा गरिएका दलीय चुनावी घोषणापत्र कति कार्यान्वयनमा आए, समीक्षा गर्ने बेला हो ।
