प्रधानमन्त्री शेरबहादुर देउवासँग नेता महन्थ ठाकुर लगायतले भेटवार्ता गरेका छन् ।
जनता समाजवादी पार्टी (जसपा) नेपालबाट विभाजित भएर लोकतान्त्रिक समाजवादी पार्टी दर्ता प्रक्रियामा लागेका अध्यक्ष ठाकुरसहित नेताहरूले सोमवार देउवालाई भेटेका हुन् ।
भेटमा प्रधानमन्त्री देउवाले सरकारमा सहभागी हुन अध्यक्ष ठाकुरलाई आग्रह गरेका स्रोतले जनाएको छ ।
भेटमा अध्यक्ष ठाकुर, वरिष्ठ नेता राजेन्द्र महतो, नेताहरू शरतसिंह भण्डारी र उमाशंकर अर्गरिया सहभागी थिए ।
जसपामा हुँदा ठाकुर पक्षले प्रधानमन्त्री देउवालाई विश्वासको मत दिएको थियो ।
