सत्तारुढ गठबन्धनसँग नजिक हुन थालेको लोसपा नेपाल सरकारमा जाने चर्चा नचलेको होइन । पछिल्लो समय सरकारले लोसपाको समेत मुख्य माग रहँदै आएको नागरिकता विधेयक पारित गरेपछि फेरि त्यो चर्चा चुलिन थालेको छ ।गत जेठ २१ पार्टीको कार्यकारिणी समितिको बैठक बीचमै छाडेर लोसपाका अध्यक्ष महन्थ ठाकुर प्रधानमन्त्री शेरबहादुर देउवालाई भेट्न बालुवाटार पुगेका थिए । सो भेटमा प्रधानमन्त्री देउवाले लोसपालाई सरकारमा सहभागी हुन आग्रह गरेका थिए । जवाफमा अध्यक्ष ठाकुरले सरकारमा सहभागी हुन मधेसका माग पूरा गरेर बाटो खोलिदिनुपर्ने
