सामान्यतया घरबाहिर २४ घण्टाभन्दा बढी वा एक वर्षभन्दा कम समयका लागि गरिने यात्रा वा मनोरञ्जन नै पर्यटन हो । पर्यटनमा आर्थिक क्रियाकलाप भएको हुनुपर्छ । मानव सभ्यताको विकाससँगै खाना, नाना, छाना, पानी सुरक्षा एवं व्यापारका निम्ति मानिस एक ठाउँबाट अर्को ठाउँमा यात्रा गर्न उत्प्रेरित थिए । पहिले मानिस जनावर चढेर वा हिँडेर आफ्नो यात्रा तथा आवश्यकता पूरा गर्दथे । अहिले प्रविधिमा आएको तीव्र विकासले जल, वायु र थलजस्ता द्रुत गतिका साधन प्रयोग गरी यात्रा गर्छन् । यो पर्यटनको पछिल्लो विकासक्रम पनि हो । अब अन्तरिक्षमा पर्यटनको कुरा पनि छ ।
