चैत १४, काठमाडौं । नेपाल स्टक एक्सचेञ्ज(नेप्से) मा सोमवार साल्ट ट्रेडिङ कर्पोरेशन लिमिटेडको बोनस शेयरको मूल्य समायोजन भएको छ ।
कम्पनीको १० प्रतिशत बोनस शेयरको मूल्य समायोजनापछि प्रतिकित्ता शेयरमूल्य रू. ४ हजार ६८३ दशमलव ६४ कायम भएको छ । नेप्सेले सोमवार कम्पनीको अन्तिम कारोबार मूल्य रू. ५ हजार १५२ को आधारमा समायोजन गरेको हो ।
कम्पनीले आव २०७७/ ७८ को मुनाफाबाट शेयरधनीलाई १० प्रतिशत बोनस शेयर र शून्य दशलमव ५२६ प्रतिशत नगद लाभांश वितरण गर्ने प्रस्ताव गरेको छ । यो प्रस्ताव गर्नका लागि कम्पनीले चैत ३० गते साधारण सभा बोलाएको छ । कम्पनीले सभा सोल्टी होटल ताहचल काठमाडौंमा अपरान्ह ११ बजे शुरु हुने जानकारी दिएको छ ।
