माघ १६, काठमाडौं । सनराइज म्युचुअल फण्ड अन्तर्गत सञ्चालित सनराइज फर्स्ट म्युचुअल फण्डले पुस मसान्तसम्मको खुद सम्पत्ति मूल्य विवरण आइतवार सार्वजनिक गरेको छ ।
उक्त विवरण अनुसार फण्डले पुस मसान्तसम्म रू.१० करोड १५ लाख नाफा कमाएको छ । फण्ड मंसिर मसान्तसम्ममा रू. १ करोड ८८ लाख नोक्सानीमा रहेको थियो । पुस मसान्तसम्ममा रू. ११ करोड ४० लाख आम्दानी गर्न सफल भएकाले फण्ड नाफामा गएको हो ।
त्यसैगरी फण्डको एनएभी पनि मंसिर महीनाको तुलनामा पुस महीनामा वृद्धि भएको छ ।
एनएभी मंसिर मसान्तसम्ममा रू.१३ दशमलव ४८ रहेको उक्त फण्डको पुस मसान्तसम्ममा वृद्धि भएर रू. १४ दशमलव ८८ पुगेको छ । पुस मसान्तसम्ममा फण्डले सूचीकृत शेयरमा रू. ६२ करोड ६ लाख लगानी गरेको छ ।