काठमाडौं। जनता समाजवादी पार्टी (जसपा)का नेता राजकिशोर यादवले पार्टीको एकता बचाउन आफू मूलधारमा उभिएको बताएका छन्। महन्थ ठाकुरलाई साथ दिँदै आएका राजकिशोरले पार्टी आधिकारिकता विवादको सनाखतमा आफूले अध्यक्ष उपेन्द्र यादव पक्षमा हस्ताक्षर गरेको बताए। यादव केपी ओली सरकारमा मन्त्रीसमेत भएका थिए। आफूले बिहानै ठाकुरलाई भेटेर पार्टी विभाजन नगर्न आग्रह गरेको समेत उनले बताए।
