कुनै समयमा नेपालीहरूको रोजगारीका लागि मुख्य गन्तव्य रहँदै आएको मलेसियामा विगत एक वर्षदेखि नेपाली कामदारहरू पठाउन करिब–करिब ठप्पैजस्तो छ । यसको मुख्य कारण मलेसिया रोजगारीमा व्यापक रूपमा कामदारको ठगी र शोषण बढेको पाइएपछि सरकारले नै रोक लगाएको हो । यसअघि वार्षिक औसतक एक लाख कामदारहरू रोजगारीको खोजीमा मलेसिया जाने गरेकोमा अहिले त्यो संख्या २५ सयभन्दा कममा झरेको छ, त्यो पनि गत वर्ष नै प्रक्रिया सुरु भएकाहरूमात्र हुन् ।
