बेंसीसहर नगरपालिका–१० खाँचेका किसान सोमबहादुर तामाङले गत वर्ष ३ क्विन्टल अलैंची फलाएर डेढ लाख रुपैयाँ कमाए । यस वर्ष ३४ किलो मात्रै भयो । गत वर्ष कम्तीमा प्रतिकिलो ५ सय रुपैयाँमा अलैंची बिक्री गरेका उनले यस वर्ष कम्तीमा १ हजार रुपैयाँमा बेचे । यस वर्ष मूल्य दोब्बर पुग्दा पनि उनले ३४ हजार रुपैयाँ मात्र कमाए । गत वर्षको तुलनामा यसपालि ८५ प्रतिशतभन्दा बढी अलैंची उत्पादन घटेको छ । ‘पोहोर ७५ क्विन्टल अलैंची बेचेका गाउँलेले यस वर्ष १२ क्विन्टल मात्रै बेचे । अलैंची नै छैन,’ उनले भने ।
