काठमाडौं । पछिल्लो १० वर्षमा गाउँको जनसंख्या ४९ प्रतिशतले घटेको पाइएको छ । राष्ट्रिय तथ्यांक कार्यालयले आइतवार (आज) सार्वजनिक गरेको राष्ट्रिय जनगणना २०७८ को तेस्रो चरणको नतिजाले यस्तो देखाएको हो ।
उक्त नतिजाअनुसार अहिले सहर (नगरपालिकामा बसोबास गर्ने)हरू ६६.२ प्रतिशत छन् । २०६८ को जनगणना अनुसार यो संख्या १७.१ प्रतिशत थियो । यस आधारमा सहरको जनसंख्या ४९.१ प्रतिशतले बढेको हो ।
सहरको जनसंख्या बढेसँगै गाउँ (गाउँपालिकाहरू)को जनसंख्या घटेको छ । कार्यालयले सार्वजनिक गरेको तथ्यांक अनुसार अहिले गाउँमा बस्नेहरू ३३.८ प्रतिशत छन् । १० वर्षअघि यो संख्या ८२.९ प्रतिशत थियो । २०६८ को तुलनामा यो ४९.१ प्रतिशत कम हो ।
पछिल्लो जनगणनाको तथ्यांक अनुसार नेपालको जनसंख्या २ करोड ९१ लख ६४ हजार ५७८ रहेकोमा नगरपालिकाहरूमा बस्नेहरूको संख्या १ करोड ९२ लाख ९६ हजार ७८८ र गाउँपालिकाहरूमा बस्नेहरूको संख्या ९८ हजार ६७ हजार ७९० छ ।
यसअघि कार्यालयले गत चैत १० गते पहिलो चरणमा राष्ट्रिय जनगणनाको तथ्यांक सार्वजनिक गरेको थियो । कार्यालयले दोस्रो चरणमा प्रदेश, जिल्ला, स्थानीय तहका ८९ ओटा तालिका तथा वडास्तरका १७ ओटा तालिका वेबसाइटमार्फत सार्वजनिक गरिएको थियो ।
