काठमाडौं : बूढानीलकण्ठ नगरपालिका– ८ स्थित गोल्फुटारको वडा कार्यालयको शौचालयमा पुरुषको शव फेला परेको छ। निर्माणाधीन शौचालयको प्यासेजमा अन्दाजी ४० वर्ष उमेरका पुरुषको शव फेला परेको वडाध्यक्ष सुमन तामाङले जानकारी दिए। तामाङका अनुसार शवको पहिचान हुन सकेको छैन। लामो समयदेखि सोही ठाउँमा हिँडडुल गर्ने मानसिक असन्तुलन भएको पुरुषको शव भएको स्थानीय बासिन्दाले बताएका छन्। प्रहरीले घटनास्थलमा आएर लास जाँच गरिरहेको छ। शुक्रवारसम्म केही थाहा नभएको र शनिवार वडा कार्यालय बन