नेपाल क्रिकेट संघ प्रदेश २ ले क्रिकेटर महबूब आलमलाई सम्मानसहित राष्ट्रिय बिदाइ गर्न माग गरेको छ । देब्रे हातका तीब्र गतिका बलर महबूब आलमले नेपालको राष्ट्रिय टोलिको प्रतिनिधित्व गरी करिब डेढ दशकसम्म अन्तर्राष्ट्रिय क्रिकेट खेल्नुभएको छ ।
संघको प्रादेशिक समितिको बैठकले आलमलाई राष्ट्रिय विदाइ गर्न माग गरेको हो । सन् २००४ मा यूएई बिरुद्ध अन्तर्राष्ट्रिय क्रिकेटमा ‘डेब्यु’ गर्नुभएका आलमको विश्व क्रिकेट लिग डिभिजन ५ को प्रदर्शन क्रिकेटकै ऐतिहासिक प्रदर्शनको रुपमा गणना गरिन्छ । उहाँले मोजाम्बिक बिरुद्ध दश विकेट लिएर विश्व कीर्तिमान बनाउनुभएको छ । उक्त खेल जर्सीमा मई २००८ मा भएको थियो ।
