लक्ष्मी उन्नतीसहित ५ ओटा म्युचुअल फण्डको इकाईमा सर्वाधिक खरीद माग

यो साता १.४२ प्रतिशत माथि उक्लियो धितोपत्र दोस्रो बजार, करीब ४७ अर्बले बढ्यो पूँजीकरण

Aarthik Abhiyan पौष २०८०

२ हजार विन्दु तल झर्‍यो नेप्से, कारोबार रकम पनि निरन्तर घट्दो

काठमाडौं । धितोपत्र दोस्रो बजारको सम्पूर्ण कारोबार मापक नेप्से परिसूचक २ हजार विन्दुभन्दा तल झरेको छ । यो साताको अन्तिम कारोबार दिन नेप्से परिसूचक १ हजार ९९० दशमलव ५९ विन्दुमा बन्द भएको हो । गत साताको अन्तिम कारोबार दिन नेप्से परिसूचक २ हजार १३ दशमलव ९३ विन्दुमा थियो । गत साताभन्दा यो साता नेप्से परिसूचक २३ दशमलव ३४ अंक घटेको हो । यो साता एक कारोबार दिन सार्वजनिक बिदा पर्दा चार कारोबार दिन मात्र बजार खुला भएको थियो । साताको पहिलो कारोबार दिन २० दशमलव ५४ अंकले घटेको बजार दोस्रो कारोबार दिन भने ५ दशमलव शून्य ९ अंकले बढेको थियो । त्यसपछि तेस्रो कारोबार दिन ५ दशमलव शून्य ५ अंकले घटेको बजार चौंथो दिन २ दशमलव ८२ अंकले घटेको हो । नेप्से परिसूचकसँगै यो साता ठूला कम्पनीहरूको कारोबार मापक सेन्सेटिभ इन्डेक्स ३ दशमलव ८५ अंकले घटेको छ । गत साताको अन्तिम कारोबार दिन ३८५ दशमलव ५६ विन्दुमा रहेको सेन्सेटिभ इन्डेक्स यो साताको अन्तिम कारोबार दिन ३८१ दशमलव ७१ विन्दुमा झरेको हो । लाभांशको सिजन शुरू भइसकेको छ । केही म्युचुअल फण्डहरूले लाभांश वितरण गरिसक्दा वाणिज्य बैंकतर्फको एक कम्पनी माछापुच्छ्रे बैंकले समेत लाभांश घोषणा गरिसकेको छ । माछापुच्छ्रे बैंकले गत वर्षकै अनुपातमा कुल १४ प्रतिशत लाभांश प्रस्ताव गरेको हो । कुल लाभांशमध्ये १३ दशमलव ७० प्रतिशत बोनस र शून्य दशमलव ७० प्रतिशत नगद लाभांश रहेको छ । लाभांश सिजन शुुरू भइसक्दा निकै कम मूल्य कायम भएका कम्पनीको शेयर खरीदप्रति अझै लगानीकर्ताको मन नलागेको अवस्था छ । यतिबेला हकप्रद शेयरहरू समेत निष्कासनमा रहेकाले कतिपय लगानीकर्ता हकप्रदका लागि दोस्रो बजारबाटै रकम जोहो गरिरहेकाले पनि बजार प्रभावित भएको हुनसक्ने अनुमान ब्रोकरहरूले लगाएका छन् । यतिबेला बैंक तथा वित्तीय संस्थामा पर्याप्त लगानीयोग्य रकम भए पनि चर्को ब्याजका कारण लगानीको माग नभएको लगानीकर्ताहरू बताउँछन् । तरलता बढी भएको अवस्थामा ब्याजदर घट्नुपर्ने लगानीकर्ताहरूको माग छ । यो साता एक दिन कम कारोबार भए पनि कारोबार रकम औसतमा घटेको छ । गत साता औसतमा १ अर्ब ४५ करोड रुपैयाँभन्दा बढीको ४७ लाख ९ हजारभन्दा बढी कित्ता धितोपत्र कारोबार भएकोमा यो साता १ अर्ब ६ करोड रुपैयाँभन्दा बढीको ३८ लाख ४३ हजारभन्दा बढी कित्ता धितोपत्र कारोबार भएको हो । गत साताको तुलनामा औसतमा कारोबार रकम ३८ करोड ८३ लाख रुपैयाँभन्दा बढीले घटेको हो । कारोबार कित्ता भने ८ लाख ६५ हजारभन्दा बढीले घटेको छ । यो साता चार कारोबार दिनमा ४ अर्ब २४ करोड ६५ लाख रुपैयाँभन्दा बढीको १ करोड ५३ लाख ७५ हजार कित्ता धितोपत्र कारोबार भएको हो । गत साता भने ७ अर्ब २५ करोड रुपैयाँभन्दा बढीको २ करोड ३५ लाख ४८ हजार कित्ता धितोपत्र कारोबार भएको थियो । चार कारोबार दिनमा लगानीकर्ताको सम्पत्ति मूल्य ३४ अर्ब ९२ करोड रुपैयाँभन्दा बढीले घटेको छ । गत साताको अन्तिम कारोबार दिन ३० खर्ब १४ अर्ब ९० करोड रुपैयाँभन्दा बढी रहेको कुल बजार पू्ँजीकरण यो साताको अन्तिम कारोबार दिन २९ खर्ब ७९ अर्ब ९८ करोड रुपैयाँमा झरेको हो । स्रोत : नेपाल स्टक एक्सचेञ्ज (नेप्से) । व्यापारिक समूहको परिसूचक १.१७ प्रतिशत बढ्यो यो साता घटेको बजारमा व्यापारिक, होटल तथा पर्यटन र म्युचुअल फण्ड समूहको परिसूचक भने बढेको छ । व्यापारिक समूहको १ दशमलव १७ प्रतिशत, म्युचुअल फण्डको शून्य दशमलव ४३ प्रतिशत र होटल तथा पर्यटन समूहको परिसूचक शून्य दशमलव शून्य ९ प्रतिशत बढेको हो । यो साता जलविद्युत समूहको परिसूचक भने सर्वाधिक २ दशमलव ६५ प्रतिशत घटेको छ । त्यस्तै उत्पादन तथा प्रशोधनको २ दशमलव शून्य ५ प्रतिशत, अन्यको १ दशमलव ९५ प्रतिशत, लघुवित्तको १ दशमलव ५५ प्रतिशत, वित्तको १ दशमलव ४६ प्रतिशत, जीवन बीमाको १ दशमलव २६ प्रतिशत, निर्जीवन बीमाको १ दशमलव शून्य ५ प्रतिशत, विकास बैंकको शून्य दशमलव ५५ प्रतिशत, बैंकिङको शून्य दशमलव ५४ प्रतिशत र लगानीको शून्य दशमलव ४१ प्रतिशत परिसूचक घटेको छ । स्रोत : नेपाल स्टक एक्सचेञ्ज (नेप्से) ।

Aarthik Abhiyan श्रावण २०८०

मौद्रिक नीति सार्वजनिकपछि १०.६२ % घट्यो नेप्से, हाइड्रोपावर र वित्त समूहका लगानीकर्ताले धेरै गुमाए

Aarthik Abhiyan श्रावण २०८०

बजेटपछि लगानीकर्ता निराश, २.७४ प्रतिशत घट्यो नेप्से

काठमाडौं । बजेटपछिको पहिलो कारोबार दिन मंगलवार नेप्से परिसूचक २ दशमलव ७४ प्रतिशत अर्थात् ५३ दशमलव १६ अंक घटेर १ हजार ८८८ दशमलव ६१ विन्दुमा झरेको छ । सोमवार सार्वजनिक भएको बजेटले पूँजी बजारका माग समेट्न नसकेपछि लगानीकर्ताहरू निराश हुँदा नेप्से उच्च अंकले घटेको देखिन्छ । धेरै वर्षदेखि धितोपत्रको दोस्रो बजारमा एनआरएनलाई भित्र्याउने कुरा उठ्दै आएको थियो । त्यसलाई नै चालू आर्थिक वर्षको बजेटमा निरन्तरता दिइएको छ । चालू आवको बजेटमार्फत लगानीकर्ताले शेयर धितो कर्जामा कायम रहेको १२ करोड रूपैयाँको सीमा खारेज गर्नुपर्ने र १५० प्रतिशत पुर्‍याएको जोखिम भारित औसतलाई पुनः १०० प्रतिशत नै कायम गर्नुपर्ने तथा अल्पकालीन लगानीकर्तालाई ५ प्रतिशत र दीर्घकालीन लगानीकर्तालाई ३ प्रतिशत मात्र पुँजीगत लाभकरको व्यवस्था गर्नुपर्ने जस्ता माग गरेका थिए । यी विषयमा कुनै सम्बोधन भएन । यस कारण मंगलवार उच्च अंक घटेको देखिन्छ । यसो त पछिल्लो समय वित्तीय प्रणालीमा तरलता सहज हुँदै गएको छ । यसकारण पनि बिस्तारै ब्याजदर घट्ने देखिन्छ । यसले शेयर बजार सकारात्मक प्रभाव पर्ने जानकारहरू बताउँछन् । यस दिन २७५ धितोपत्रको ७० लाख ७४ हजार २५५ कित्ता ४० हजार ६३४ पटकमा रू. २ अर्ब ३४ करोड बराबर कारोबार भएको छ । कारोबारमा आएका धितोपत्रमध्ये आत्मनिर्भर लघुवित्तको शेयर मूल्यमा सकारात्मक सर्किट लागेको छ । कम्पनीको शेयर मूल्य प्रतिकित्ता रू. १ हजार ८१८ दशमलव ६० पुगेको हो । त्यस्तै दोस्रोमा बिपिडब्लु लघुवित्त वित्तीय संस्थाको शेयर मूल्य ९ दशमलव ९८ प्रतिशत बढेर रू. ३७२ दशमलव ४० पुगेको छ । मंगलवार सबैभन्दा बढी श्वेत-गंगा हाइड्रोपावर एण्ड कन्स्ट्रक्शनका शेयरधनीले सर्वाधिक गुमाएका छन् । कम्पनीको शेयर मूल्य सबैभन्दा बढी ९ दशमलव २६ प्रतिशत घटेर रू. २९३ दशमलव १० मा झरेको छ । त्यस्तै दोस्रोमा सिटिजन्स म्युचुअल फण्ड १ को इकाई मूल्य ९ दशमलव १० प्रतिशत घटेर रू. ७ दशमलव शून्य ९ कायम भएको छ । मंगलवार सर्वाधिक शेयर खरीदविक्रीको हिस्सा शिवम् सिमेन्ट्सले ओगटेको छ । कम्पनीको रू. २१ करोड २४ लाख बराबर कारोबार भएको हो । कम्पनीको शेयर मूल्य प्रतिकित्ता रू. ४६२ कायम भएको छ । त्यस्तै सर्वाधिक शेयर खरीदविक्री हुने दोस्रोमा ग्लोबल आइएमई बैंकको संस्थापक शेयर रू. १० करोड ११ लाख बराबर भएको हो । यस दिन कारोबारमा आएका समूहगत परिसूचक सबै घटेको छन् । सबैभन्दा बढी जीवन बीमा समूहको परिसूचक ३ दशमलव ५० प्रतिशत घटेको छ । मंगलवार सेन्सेटिभ इन्डेक्स २ दशमलव ३६, फ्लोट इन्डेक्स २ दशलमव ७४ र सेन्सेटिभ फ्लोट इन्डेक्स २ दशमलव २९ प्रतिशत घटेका छन् ।

Aarthik Abhiyan बैशाख २०८०

नेशनल हाइड्रोपावरसहित ५ ओटा कम्पनीको शेयरमा उच्च खरीद माग

भदौ २१, काठमाडौं । सोमवार बजार खुलेको पौने दुई घण्टामा कारोबारमा आएका २१५ ओटा कम्पनीमध्ये पाँच ओटा कम्पनीको शेयरमा उच्च खरीद माग रहेको छ । सानिमा लाइफ इन्स्योरेन्स, नेशनल हाइड्रोपावर, सानिमा लार्ज क्याप फण्ड, सनराइज फर्स्ट म्युचुअल फण्ड र एनआईसी एशिया ग्रोथ फण्डको इकाईमा सर्वाधिक शेयर खरीद माग रहेको हो । यी पाँच ओटा कम्पनीमध्ये सबैभन्दा बढी सानिमा लाइफ इन्स्योरेन्सको ६ लाख ७५ हजार २५७ कित्ता शेयर खरीद माग रहेको हो । त्यसैगरी नेशनल हाइड्रोपावरको ३ लाख ६९ हजार ५२४ कित्ता, सानिमा लार्ज क्याप फण्डको ३ लाख ३७ हजार ९८ इकाई माग, सनराइज फर्स्ट म्युचुअल फण्डको २ लाख ६७ हजार २३० इकाई र एनआइसी एशिया ग्रोथ फण्डको २ लाख १० हजार १६० इकाई माग रहेको छ ।

Aarthik Abhiyan श्रावण २०७८

यूनियन लाइफ इन्स्योरेन्ससहित ५ ओटा कम्पनीको शेयरमा उच्च खरीद माग

साउन १८, काठमाडौं । साताको दोस्रो कारोबार दिन सोमवार बजार खुलेको पौने तीन घण्टाको अवधिमा कारोबारमा आएका २२३ ओटा कम्पनीमध्ये पाँच ओटा कम्पनीको शेयरमा उच्च खरीद माग रहेको छ । उक्त अवधिसम्ममा यूनियन लाइफ इन्स्योरेन्स कम्पनी,जीवन विकास लघुवित्त वित्तीय संस्था, सिद्धार्थ इक्विटी फण्ड, एनआईसी एशिया ब्यालेन्स फण्ड र सिटीजन्स म्युचुअल फण्ड १ को इकाईमा उच्च खरीद माग रहेको हो । ती पाँच ओटा कम्पनीमध्ये सबैभन्दा बढी यूनियन लाइफ इन्स्योेरेन्स कम्पनीको शेयरमा सर्वाधिक शेयर खरीद माग रहेको छ । उक्त कम्पनीको शेयरमा १५ लाख ८१ हजार १५५ कित्ता शेयर खरीद माग रहेको छ । कम्पनीको शेयर दोस्रो बजारमा सोमवारदेखि कारोबारमा आएको हो । सोही कारणले गर्दा कम्पनीको शेयरमा सर्वाधिक शेयर खरीद माग रहेको हो । त्यसैगरी उक्त अवधिसम्ममा जीबन विकास लघुवित्त वित्तीय संस्थाको शेयरमा ७ लाख ८४ हजार ५३३कित्ता, सिद्धार्थ इक्विटी फण्डको ७ लाख ३५ हजार ५७० इकाई, एनआईसी ब्यालेन्स फण्डको ६ लाख २७ हजार ३०० इकाई र सिटीजन्स म्युचुअल फण्ड १ को ३ लाख ८४ हजार ८८० इकाई खरीद माग रहेको छ ।

Aarthik Abhiyan आषाढ २०७८

लाभांश सार्वजनिक गर्न शुरु भएसँगै म्युचुअल फण्डप्रति लगानीकर्ताको आकर्षण

साउन ७, काठमाडौं । गत आर्थिक वर्षको लाभांश सार्वजनिक गर्ने क्रम शुरु भएसँगै धितोपत्र दोस्रो बजारमा म्युचुअल फण्डको इकाई खरीदप्रति लगानीकर्ताको बढी आकर्षण देखिएको छ । यस वर्ष सबैभन्दा पहिला लक्ष्मी क्यापिटलको व्यवस्थापनमा सञ्चालित दुई योजना लक्ष्मी उन्नती कोष र लक्ष्मी इक्वीटी फण्डले लाभांश सार्वजनिक गरिसकेका छन् । लक्ष्मी उन्नती कोषले करसमेत २५ प्रतिशत र लक्ष्मी इक्वीटी फण्डले ३५ प्रतिशत नगद लाभांश वितरणको प्रस्ताव गरेका हुन् । बिहीवार म्युचुअल फण्डको समूहगत परिसूचक सर्वाधिक बढेको छ भने सर्वाधिक खरीद माग पनि म्युचुअल फण्डकै इकाईमा देखिएको छ । कारोबारको ४५ मिनेटको अवधिमा म्युचुअल फण्डको समूहगत परिसूचक ४ दशमलव ८ प्रतिशतले बढेको हो । उक्त अवधिसम्म सर्वाधिक खरीद चाप भएका पाँच ओटा कम्पनीहरुमा लक्ष्मी इक्वीटी फण्ड, ग्लोबल आइएमई सम्मुन्नत स्किम–१,सिटिजन्स म्युचुअल फण्ड–२, लक्ष्मी उन्नती कोष र नबिल ब्यालेन्सड्स फण्ड –२ रहेका छन् । त्यस्तै सर्वाधिक मूल्य बढ्ने पाँच ओटा कम्पनीहरुभित्र पनि म्युचुअल फण्डहरुनै रहेका छन् । कारोबारको पौने एक घण्टाको अवधिसम्म सर्वाधिक शेयरमूल्य लक्ष्मी उन्नतीकोषको १० दशमलव शून्य ४ प्रतिशत, सिटिजन्स म्युचुअल फण्ड–२ को ९ दशमलव ९७ प्रतिशत, ग्लोबल आइएमई सम्मुन्नत स्किम–१को ७ दशमलव ९२ प्रतिशत, लक्ष्मी इक्वीटी फण्डको ७ दशमलव ४१ प्रतिशत र कुमारी इक्वीटी फण्डको इकाईमूल्य ७ दशमलव ४१ प्रतिशत बढेको छ ।

Aarthik Abhiyan आषाढ २०७८

वाणिज्य बैंकहरुमध्ये मेगा र सेञ्चुरी कमर्सियल बैंकको शेयर खरीद माग उच्च

असार १७, काठमाडौं । साताको अन्तिम कारोबार दिन बिहीवार २६ ओटा सूचीकृत वाणिज्य बैंकहरुमध्ये मेगा बैंक र सेञ्चुरी कमर्सियल बैंकको खरीद माग उच्च रहेको छ । यो दिन सर्वाधिक खरीद चाप भएका १० ओटा कम्पनीमध्ये मेगा र सेञ्चुरी कमर्सियल बैंक बाहेक बाँकी म्यचुअल फण्डहरु रहेका छन् । यस दिन सर्वाधिक खरीद चाप भएको १० ओटा कम्पनीहरुमध्ये पहिलो नम्बरमा लक्ष्मी उन्नती कोष, दोस्रोमा मेगा बैंक, तेस्रोमा सानिमा इक्वीटी फण्ड, चौथोमा सिद्धार्थ इन्भेष्टमेण्ट ग्रोथ स्किम–२, पाचौंमा सेञ्चुरी कमर्सियल बैंक, छैठौंमा सिटिजन्स म्युुचुअल फण्ड –१, सातौंमा ग्लोबल आइएमई सम्मुनत् स्किम—१, आठौंमा नबिल व्यालेन्स्ड फण्ड–२, नवौंमा एनएमबी ५० र दशौं नम्बरमा सनराइज फष्र्ट म्युचुअल फण्ड रहेको छ । यस दिन बजार बन्द हुनुभन्दा दुई मिनेटअघिसम्म सर्वाधिक खरीद चापको पहिलो नम्बरमा रहेको लक्ष्मी उन्नती कोषको १२ लाख ४९ हजार ६९० इकाई ७ ओटा अर्डरबाट खरीद माग रहेको थियो । मेगा बैंकको ९८ ओटा अर्डरबाट ६ लाख ५ हजार ८१७ कित्ता र सेञ्चुरी कमर्सियल बैंकको ३ लाख १२ हजार ३९३ कित्ताका लागि १४१ ओटा अर्डरबाट शेयर खरीदको माग भएको छ । सर्वाधिक खरीद चाप भएको दोस्रो नम्बरमा परेको मेगा बैंकको शेयरमूल्य यो दिन २ दशमलव ४९ प्रतिशत र सेञ्चुरी कमर्सियल बैंकको ३ दशमलव १५ प्रतिशतले वृद्धि भएको छ । मेगा बैंकको प्रतिकित्ता रू. ९ ले बढेर अन्तिम मूल्य रू. ३७० र सेञ्चुरी कमर्सियल बैंकको प्रतिकित्ता रू. ९ ले बढेर अन्तिम मूल्य रू. २९५ कायम भएको छ । मेगा बैंकको बिहीवार रू. १८ करोड २४ लाख ५२ हजार बराबरको ४ लाख ९३ हजार ८८३ कित्ता र सेञ्चुरी कमर्सियल बैंकको रू. ११ करोड ५७ लाख २६ हजार बराबरको ३ लाख ९४ हजार ५५५ कित्ता शेयर कारोबार भएको छ । वाणिज्य बैंकहरुमध्ये यी दुई कम्पनीको शेयरमूल्य कम भएकाले पनि लगानीकर्ताहरु कम मूल्यको शेयर खरीदमा आकर्षित भएको देखिन्छ ।

Aarthik Abhiyan जेष्ठ २०७८

लक्ष्मी उन्नतीसहित ५ ओटा म्युचुअल फण्डको इकाईमा सर्वाधिक खरीद माग

सम्बन्धित सामग्री