काठमाडौं (अस) । नेपालमा रोयल इन्फिल्ड मोटरसाइकलको आधिकारिक बिक्रेता एमभी दुगड ग्रुपअन्तर्गतको विवेक अटोमोबाइल्स प्रालिले रोयल इन्फिल्ड ब्रान्डको क्रुजियर्स सिरिजमा नयाँ मोडलको ३५० सिसीको मेटिओर मोटरसाइकल सार्वजनिक गरेको छ । मेटिओर ३५० सिसीअन्तर्गत फायर बल, स्टेलर र सुपरनोभा गरी तीन भेरियन्ट रहेका छन् । यसमा फायर बलको दुई, स्टेलारको तीन र सुपरनोभा दुई रङमा उपलब्ध हुनेछन् ।
कम्पनीका अनुसार मेटिओर ३५० सिसी क्रुजियर्स सिरिजको मोटरसाइकल हो, जसमा जे सिरिजको एयर आयल कुलेड सोहज् इन्जिन रहेको छ । इन्धनको कार्यकुशलताका लागि इलेक्ट्रिोनिक फ्युल इन्जेक्सन भएको यो मोटरसाइकलमा थप सुरक्षाका निम्ति ड्युल च्यानल एबीएस पनि रखिएको छ ।
मोटरसाइकलमा टर्न टू टर्न नेभिगेसनका लागि गुगलसँगको सझेदारीमा बनाइएको ट्रिपरपोड र मोबाइल फोन चार्ज गर्न यूएसबी चार्जिङ पोर्ट समावेश रहेको कम्पनीले बताएको छ ।
नयाँ पिँढीलाई लक्षित गरेर उत्पादन गरिए पनि यो मोटरसाइकलले सबैको मन जितिरहेको कम्पनीको दाबी छ । विवेक अटोमोबाइल्सले आफ्ना १९ वटै शाखा तथा डिलरमा मेटिओर ३५० सिसी बिक्री प्रवद्र्घन सुरु गर्ने भएको छ ।
बीएस भीआई संस्करणअन्तर्गतको यो मोटरसाइकलमा कम्पन घटाउन ब्यालेन्सर साफ्ट पनि राखिएको छ ।
कम्पनीले मेटिओर ३५० सिसीअन्तर्गत फायर बलको मूल्य ६ लाख, स्टेलारको मूल्य ६ लाख १७ हजार र सुपरनोभाको मूल्य ६ लाख ४५ हजार रुपैयाँ तोकेको छ । कम्पनीले यो मोटरसाइकल साउन १४ गतेदेखि १९ वटै शाखा तथा डिलरबाट बुकिङ तथा बिक्री गरिने जनाएको छ ।
