बिमा समितिको प्रतिवेदनअनुसार आर्थिक वर्ष २०७६/७७ मा भन्दा गत आवमा बिमांक ७३ प्रतिशतले र बिमा शुल्क ७१ प्रतिशतले बढ्यो । दाबी भुक्तानीसमेत २५.६८ प्रतिशतले बढेको छ । कृषि बिमाको यो वृद्धिदरको तथ्यांक भने चित्तबुझ्दो नभएको कृषिविज्ञ नै बताउँछन् । ‘कृषि बिमा गर्नेको संख्या त बढिरहेको छ,’ कृषि विभागका वरिष्ठ कृषि प्रसार अधिकृत शिवसुन्दर घिमिरेले भने, ‘तर कृषि बिमा सुरु भएको दशक पुग्दा अंकमा चित्त बुझाएर बस्ने चाहिँ होइन ।’
