कुमारी सुनौलो लगानी योजनाको नाफा माघमा घट्यो

काठमाडौं । कुमारी सामूहिक लगानी कोष अन्तर्गत सञ्चालित कुमारी सुनौलो लगानी योजना माघ मसान्तसम्म १ करोड ६७ लाख रूपैयाँभन्दा बढी नाफामा रहेको छ । पुस मसान्तसम्म १ करोड ९८ लाख रूपैयाँभन्दा बढी नाफामा रहेको योजनाको नाफा माघमा भने घटेको हो । कम्पनीको जम्मा आम्दानी माघ मसान्तसम्म २ करोड १६ लाख रूपैयाँभन्दा बढी रहेको छ भने जम्मा खर्च ४८ लाख ४० हजार रूपैयाँभन्दा बढी छ । पुस मसान्तसम्म योजनाको जम्मा आम्दानी २ करोड ३९ लाख रूपैयाँभन्दा बढी रहेको थियो भने जम्मा खर्च ४१ लाख ४१ हजार रूपैयाँभन्दा बढी रहेको थियो । खुलामुखी प्रकृतिको यस योजनाले माघ मसान्तसम्म धितोपत्र तथा बैंक मुद्दती निक्षेपमा गरेको लगानी धितोपत्र दलाल कमिसन सहित ३४ करोड २२ लाख ९८ हजार रूपैयाँभन्दा बढी रहेको छ । माघ मसान्तसम्म यस योजनाले बैंक मुद्दती निक्षेपमा ३ करोड ६० लाख रूपैयाँ लगानी गरेको छ । बैंक मुद्दती निक्षेप सहित योजनाको धितोपत्रमा भएको लगानीको बजारमूल्य भने ३६ करोड ३२ लाख रूपैयाँभन्दा बढी रहेको छ । योजनाले धितोपत्रमा र बैंक मुद्दती निक्षेपमा गरेको लगानीको लागतमूल्य भन्दा बजारमूल्य बढी रहेको छ । माघ मसान्तसम्म योजनाको इकाई ३ करोड ५९ लाख ६१ हजार ८०५ रहेको छ । पुस मसान्तसम्म योजनाको इकाई ३ करोड ६२ लाख ७५ हजार ४९० रहेको थियो । योजनाको प्रतिइकाई खुद मूल्य पुस मसान्तसम्म ११ रूपैयाँ १९ पैसा रहेको थियो भने माघ मसान्तसम्म ११ रूपैयाँ ११ पैसा कायम भएको छ । रिपाेट हेर्न यहाँ क्लिक गर्नसहाेस