गुल्मी : जिल्लाको कालीगण्डकी गापा-१ हर्मिचौरका ३५ वर्षीय टेकराज पाण्डे कालीगण्डकी नदीमा हाम फाली बेपत्ता भएका छन्।गुल्मी र स्याङजाको संगमस्थल रेप्कामा रहेको मोटरेबल पुलबाट शुक्रबार दिउँसो कालीगण्डकी नदीमा हाम फाली बेपत्ता भएको जिल्ला प्रहरी कार्यालय गुल्मीले जनाएको छ।पाण्डेको खोजीका लागि स्थानीय र प्रहरी परिचालन भएको र अहिलेसम्म फेला नपरेको जिल्ला प्रहरी कार्यालय गुल्मीका प्रहरी नायव उपरीक्षक माधवराज खरेलले जानकारी दिए।नदीमा हाम फाल्नुको कारण नखुलेको र खोजी भइरहेको खरेलले बताए।
