नेप्से ३८ बिन्दुले झर्यो, कारोबार रकम पनि ६ करोड मात्र
साताको दुई दिन लगातार बढेको सेयर कारोबार त्यसपछिका दुई दिनमा फेरि घटेको छ। मंगलबार १० बिन्दुले घटेको नेप्सेमा बुधबार ३८ बिन्दुले गिरावट आएको हो। नेप्सेसँगै कारोबार रकम पनि घटेको छ।...
काठमाडौं । यो साता धितोपत्र दोस्रो बजारमा गत साताको तुलनामा करीब १० प्रतिशत कम कारोबार भएको छ । बजार सञ्चालक नेपाल स्टक एक्सचेञ्ज (नेप्से)ले दिएको जानकारी अनुसार गत साता २५ अर्ब ९९ करोड रुपैयाँभन्दा बढीको ७ करोड ५४ लाख ४ हजारभन्दा बढी कित्ता धितोपत्र कारोबार भएकोमा यो साता २३ अर्ब ४२ करोड रुपैयाँभन्दा बढीको ६ करोड ४५ लाख ४३ हजारभन्दा बढी कित्ता धितोपत्र कारोबार भएको हो ।
गत साताको तुलनामा यो साता कारोबार रकम २ अर्ब ५७ करोड रुपैयाँभन्दा बढी र कारोबार कित्ता १ करोड ८ लाख ६० हजारभन्दा बढीले घटेको हो । औसतमा यो साता ४ अर्ब ६८ करोड ४१ लाख रुपैयाँभन्दा बढीको १ करोड २९ लाख ८ हजारभन्दा बढी कित्ता धितोपत्र कारोबार भएको छ । गत साता औसतमा ५ अर्ब १९ करोड ९९ लाख रुपैयाँभन्दा बढीको १ करोड ५० लाख ८० हजारभन्दा बढी कित्ता धितोपत्र कारोबार भएको थियो । औसतमा यो साता गत साताको तुलनामा कारोबार रकम ५१ करोड ५८ लाख रुपैयाँभन्दा कम र कारोबार कित्ता २१ लाख ७२ हजारभन्दा कम भएको हो ।
समग्र धितोपत्र कारोबार मापक नेप्से परिसूचक पनि यो साता १७ दशमलव शून्य ८ अंक तल झरेको छ । गत साताको अन्तिम कारोबार दिन २ हजार ८४ दशमलव शून्य ९ विन्दुमा रहेको नेप्से परिसूचक यो साताको अन्तिम कारोबार दिन २ हजार ६७ दशमलव शून्य १ विन्दुमा झरेको हो ।
यो साता पाँच कारोबार दिनमा नेप्से परिसूचक शुरुका तीन कारोबार दिन निरन्तर बढेको थियो भने पछिल्लो दुई कारोबार दिन निरन्तर घटेको थियो । पहिलो कारोबार दिन १० दशमलव ३७ अंक, दोस्रो दिन १० दशमलव २६ अंक र तेस्रो कारोबार दिन १४ दशमलव ८८ अंक बढेको नेप्से चौथो कारोबार दिन २१ दशमलव ६७ अंक र पाँचौं कारोबार दिन ३० दशमलव ९२ अंक घटेको हो ।
लगानीकर्ता बजार अझै माथि जाने आशामा रहेको देखिए पनि बजारमा माग भने बढ्न नसकेको अवस्था छ । बैंकिङ प्रणालीमा पर्याप्त तरलता हुँदाहुँदै पनि लगानीको माग भने कम रहेको बैंकरहरू बताउँछन् । यस वर्ष सूचीकृत कम्पनीहरूको लाभांशमा आकर्षित हुने अवस्था नरहेकाले पनि बजारमा लगानी कम भएको बुझाई ब्रोकरहरूको छ ।
लगानीकर्ता उत्साहित नहुँदा सातामै कुल बजार पूँजीकरण २४ अर्ब ९७ करोड रुपैयाँभन्दा बढीले घटेको छ । गत साताको अन्तिम कारोबार दिन ३२ खर्ब ७३ अर्ब ३७ करोड रुपैयाँ रहेको कुल बजार पूँजीकरण यो साताको अन्तिम कारोबार दिन ३२ खर्ब ४८ अर्ब ३९ करोड रुपैयाँ कायम भएको हो ।
स्रोत : नेपाल स्टक एक्सचेञ्ज (नेप्से) ।
यो साता अन्य समूहका लगानीकर्ताले सर्वाधिक कमाए
यो साताको कारोबारमा तीन समूहगत परिसूचकहरू गत साताको तुलनामा बढेका छन् । अन्य समूहको परिसूचक गत साताको तुलनामा सर्वाधिक ३ दशमलव ८५ प्रतिशत बढेको हो । योसँगै व्यापारिक समूहको शून्य दशमलव ६४ प्रतिशत र जलविद्युत समूहको परिसूचक शून्य दशमलव शून्य ३ प्रतिशत बढेको छ ।
यो साता होटल तथा पर्यटन समूहको परिसूचक सर्वाधिक २ दशमलव ९७ प्रतिशत घटेको छ । त्यस्तै लघुवित्तको २ दशमलव ३४ प्रतिशत, म्युचुअल फण्डको २ दशमलव २३ प्रतिशत, बैंकिङको २ दशमलव १३ प्रतिशत, निर्जीवन बीमाको १ दशमलव ८४ प्रतिशत, विकास बैंकको १ दशमलव ६६ प्रतिशत, जीवन बीमाको १ दशमलव शून्य ८ प्रतिशत, उत्पादन तथा प्रशोधनको शून्य दशमलव ५५ प्रतिशत वित्तको शून्य दशमलव ४१ प्रतिशत र लगानी समूहको शून्य दशमलव शून्य ५ प्रतिशत परिसूचक घटेको छ ।
परिसूचकमा देखिएको परिवर्तनका आधारमा यो साता अन्य समूहका लगानीकर्ताले सर्वाधिक कमाएका छन् भने होटल तथा पर्यटन समूहका लगानीकर्ताले सर्वाधिक गुमाएका छन् ।
स्रोत : नेपाल स्टक एक्सचेञ्ज (नेप्से) ।
काठमाडौं । धितोपत्र दोस्रो बजार गत साता पनि घटेको छ । केहि सातादेखि बजार निरन्तर घट्दो क्रममा रहेको छ । अघिल्लो साताको तुलनामा गत साता नेप्से परिसूचक ५८ दशमलव १४ अंकले घटेको हो । गत साता चार कारोबार दिनमा नेप्से परिसूचक एक कारोबार दिनमात्र बढेको छ ।
गत साता एक दिन सार्वजनिक विदा परेकाले चार कारोबार दिन मात्र बजार खुलेको हो । पहिलो कारोबार दिन २९ दशमलव ८१ अंकले घटेको नेप्से दोस्रो कारोबार दिन ७ दशमलव शून्य ४ अंक बढेको थियो । तेस्रो कारोबार दिन ६ दशमलव ४५ अंकले घटेको नेप्से चौथो कारोबार दिन २८ दशमलव ९२ अंकले घटेको हो ।
अघिल्लो साताको अन्तिम कारोबार दिन १ हजार ९० दशमलव ५९ विन्दुमा रहेको नेप्से परिसूचक गत साताको अन्तिम कारोबार दिन १ हजार ९३२ दशमलव ४५ विन्दुमा झरेको छ ।
यतिबेला लगानीकर्ता पर्ख र हेरको अवस्थामा रहेको जानकारी ब्रोकरहरूले दिएका छन् । यतिबेला एक दर्जनभन्दा बढी नयाँ ब्रोकरहरू धितोपत्र बजारमा प्रवेश गरिसकेको अवस्था छ । नयाँ ब्रोकरले बजारको माहोल केहि तताईरहेको भएपनि आम लगानीकर्ता भने तरलता बढेसँगै ब्याजदर घट्ने आशामा रहेको देखिन्छ ।
तरलता बढ्दा ब्याजदर घट्नुपर्ने मान्यता लगानीकर्ता ताराप्रसाद फुल्लेलको छ । यतिबेला बजारमा तरलता प्रयाप्त हुँदा पनि कर्जा लिन सक्ने अवस्था चर्को व्याजदरले गर्दा नभएकाले बजारमा लगानी घट्दै गएको भनाई फुल्लेलको छ । अहिले बजार १ हजार ९०० विन्दु नजिक आईसकेको अवस्थामा ब्याजदर घटे लगानीकर्ता केहि उत्साहित बन्ने अपेक्षा उनले गरेका छन् ।
लगानीकर्ता पर्ख र हेरको अवस्थामा रहेसँगै बजार सुस्त बनेको हो । नेप्से परिसूचकसँगै गत साता ठुला कम्पनीहरूको मात्र कारोबार मापक सेन्सेटिभ इन्डेक्स १० दशमलव १३ अंक घटेको छ । अघिल्लो साताको अन्तिम कारोबार दिन ३८१ दशमलव ७१ विन्दुमा रहेको सेक्सेटिभ इन्डेक्स गत साताको अन्तिम कारोबार दिन ३७१ दशमलव ५८ विन्दुमा झरेको हो ।
कारोबार रकम गत साता चार कारोबार दिनमा ४ अर्ब २३ करोड रूपैयाँभन्दा बढी रहेको छ । अघिल्लो साता चार कारोबार दिनमा ४ अर्ब २४ करोड रूपैयाँभन्दा बढीको भएको थियो । अघिल्लो साताको तुलनामा गत साता कारोबार रकम १ करोड २९ लाख रूपैयाँभन्दा बढीले घटेको हो । कारोबार कित्ता भने अघिल्लो साता १ करोड ५३ लाखभन्दा बढी भएकोमा गत साता १ करोड ३७ लाखभन्दा बढी कित्ता भएको हो ।
अघिल्लो साताभन्दा गत साता १६ लाख ४० हजार ३५३ कित्ता कम धितोपत्र कारोबार भएको हो । औषतमा अघिल्लो साता १ अर्ब ६ करोड रूपैयाँभन्दा बढीको ३८ लाख ४३ हजार ९८८ कित्ता धितोपत्र कारोबार भएकोमा गत साता १ अर्ब ५ करोड रूपैयाँभन्दा बढीको ३४ लाख ३३ हजार ८९९ कित्ता धितोपत्र कारोबार भएको हो । अघिल्लो साताभन्दा गत साता औसतमा ३२ लाख रूपैयाँभन्दा बढीको ४ लाख १० हजार ८८ कित्ता कम धितोपत्र कारोबार भएको हो ।
घटेको बजारमा गत साता लगानीकर्ताको सम्पत्ति कुल बजार पूँजीकरण ८७ अर्ब ४ करोड रूपैयाँभन्दा बढीले घटेको छ । कुल बजार पूँजीकरण अघिल्लो साताको अन्तिम कारोबार दिन २९ खर्ब ७९ अर्ब ९८ करोड रूपैयाँभन्दा बढी रहेकोमा गत साताको अन्तिम कारोबार दिन २८ खर्ब ९२ अर्ब ९३ करोड रूपैयाँभन्दा बढी कायम भएको हो ।
काठमाडौं । धितोपत्र दोस्रो बजारको सम्पूर्ण कारोबार मापक नेप्से परिसूचक २ हजार विन्दुभन्दा तल झरेको छ । यो साताको अन्तिम कारोबार दिन नेप्से परिसूचक १ हजार ९९० दशमलव ५९ विन्दुमा बन्द भएको हो । गत साताको अन्तिम कारोबार दिन नेप्से परिसूचक २ हजार १३ दशमलव ९३ विन्दुमा थियो । गत साताभन्दा यो साता नेप्से परिसूचक २३ दशमलव ३४ अंक घटेको हो ।
यो साता एक कारोबार दिन सार्वजनिक बिदा पर्दा चार कारोबार दिन मात्र बजार खुला भएको थियो । साताको पहिलो कारोबार दिन २० दशमलव ५४ अंकले घटेको बजार दोस्रो कारोबार दिन भने ५ दशमलव शून्य ९ अंकले बढेको थियो । त्यसपछि तेस्रो कारोबार दिन ५ दशमलव शून्य ५ अंकले घटेको बजार चौंथो दिन २ दशमलव ८२ अंकले घटेको हो ।
नेप्से परिसूचकसँगै यो साता ठूला कम्पनीहरूको कारोबार मापक सेन्सेटिभ इन्डेक्स ३ दशमलव ८५ अंकले घटेको छ । गत साताको अन्तिम कारोबार दिन ३८५ दशमलव ५६ विन्दुमा रहेको सेन्सेटिभ इन्डेक्स यो साताको अन्तिम कारोबार दिन ३८१ दशमलव ७१ विन्दुमा झरेको हो ।
लाभांशको सिजन शुरू भइसकेको छ । केही म्युचुअल फण्डहरूले लाभांश वितरण गरिसक्दा वाणिज्य बैंकतर्फको एक कम्पनी माछापुच्छ्रे बैंकले समेत लाभांश घोषणा गरिसकेको छ । माछापुच्छ्रे बैंकले गत वर्षकै अनुपातमा कुल १४ प्रतिशत लाभांश प्रस्ताव गरेको हो । कुल लाभांशमध्ये १३ दशमलव ७० प्रतिशत बोनस र शून्य दशमलव ७० प्रतिशत नगद लाभांश रहेको छ ।
लाभांश सिजन शुुरू भइसक्दा निकै कम मूल्य कायम भएका कम्पनीको शेयर खरीदप्रति अझै लगानीकर्ताको मन नलागेको अवस्था छ । यतिबेला हकप्रद शेयरहरू समेत निष्कासनमा रहेकाले कतिपय लगानीकर्ता हकप्रदका लागि दोस्रो बजारबाटै रकम जोहो गरिरहेकाले पनि बजार प्रभावित भएको हुनसक्ने अनुमान ब्रोकरहरूले लगाएका छन् । यतिबेला बैंक तथा वित्तीय संस्थामा पर्याप्त लगानीयोग्य रकम भए पनि चर्को ब्याजका कारण लगानीको माग नभएको लगानीकर्ताहरू बताउँछन् । तरलता बढी भएको अवस्थामा ब्याजदर घट्नुपर्ने लगानीकर्ताहरूको माग छ ।
यो साता एक दिन कम कारोबार भए पनि कारोबार रकम औसतमा घटेको छ । गत साता औसतमा १ अर्ब ४५ करोड रुपैयाँभन्दा बढीको ४७ लाख ९ हजारभन्दा बढी कित्ता धितोपत्र कारोबार भएकोमा यो साता १ अर्ब ६ करोड रुपैयाँभन्दा बढीको ३८ लाख ४३ हजारभन्दा बढी कित्ता धितोपत्र कारोबार भएको हो । गत साताको तुलनामा औसतमा कारोबार रकम ३८ करोड ८३ लाख रुपैयाँभन्दा बढीले घटेको हो । कारोबार कित्ता भने ८ लाख ६५ हजारभन्दा बढीले घटेको छ ।
यो साता चार कारोबार दिनमा ४ अर्ब २४ करोड ६५ लाख रुपैयाँभन्दा बढीको १ करोड ५३ लाख ७५ हजार कित्ता धितोपत्र कारोबार भएको हो । गत साता भने ७ अर्ब २५ करोड रुपैयाँभन्दा बढीको २ करोड ३५ लाख ४८ हजार कित्ता धितोपत्र कारोबार भएको थियो ।
चार कारोबार दिनमा लगानीकर्ताको सम्पत्ति मूल्य ३४ अर्ब ९२ करोड रुपैयाँभन्दा बढीले घटेको छ । गत साताको अन्तिम कारोबार दिन ३० खर्ब १४ अर्ब ९० करोड रुपैयाँभन्दा बढी रहेको कुल बजार पू्ँजीकरण यो साताको अन्तिम कारोबार दिन २९ खर्ब ७९ अर्ब ९८ करोड रुपैयाँमा झरेको हो ।
स्रोत : नेपाल स्टक एक्सचेञ्ज (नेप्से) ।
व्यापारिक समूहको परिसूचक १.१७ प्रतिशत बढ्यो
यो साता घटेको बजारमा व्यापारिक, होटल तथा पर्यटन र म्युचुअल फण्ड समूहको परिसूचक भने बढेको छ । व्यापारिक समूहको १ दशमलव १७ प्रतिशत, म्युचुअल फण्डको शून्य दशमलव ४३ प्रतिशत र होटल तथा पर्यटन समूहको परिसूचक शून्य दशमलव शून्य ९ प्रतिशत बढेको हो ।
यो साता जलविद्युत समूहको परिसूचक भने सर्वाधिक २ दशमलव ६५ प्रतिशत घटेको छ । त्यस्तै उत्पादन तथा प्रशोधनको २ दशमलव शून्य ५ प्रतिशत, अन्यको १ दशमलव ९५ प्रतिशत, लघुवित्तको १ दशमलव ५५ प्रतिशत, वित्तको १ दशमलव ४६ प्रतिशत, जीवन बीमाको १ दशमलव २६ प्रतिशत, निर्जीवन बीमाको १ दशमलव शून्य ५ प्रतिशत, विकास बैंकको शून्य दशमलव ५५ प्रतिशत, बैंकिङको शून्य दशमलव ५४ प्रतिशत र लगानीको शून्य दशमलव ४१ प्रतिशत परिसूचक घटेको छ ।
स्रोत : नेपाल स्टक एक्सचेञ्ज (नेप्से) ।
काठमाडौं । देशमा विद्युतीय कारोबार बढ्दै गए पनि यस माध्यमबाट हुने कारोबार रकम घट्दै गएको छ । आर्थिक वर्ष २०७९/८० को जेठमा मात्रै ९ करोड ८ लाख ९८ हजार ८८३ पटक विद्युतीय माध्यमबाट लेनदेन हुँदा ४४ खर्ब २ अर्ब २६ करोड ७ लाख रुपैयाँको कारोबार भएको छ । अघिल्लो वर्षको जेठमै विद्युतीय कारोबार ६ करोड […]
बुधबार सेयर कारोबार रकम अघिल्लो दिनको तुलनामा १ अर्ब ६ करोड घटेको छ । मंगलबार कुल २ अर्ब ८२ करोड रुपैयाँको कारोबार भएकोमा बुधबार १ अर्ब ७६ करोडमा खुम्चिएको हो । कारोबार रकममा उल्लेख्य कमी आउँदा परिसूचक नेप्से सामान्य बढेको छ ।
एक्सचेञ्जका अनुसार रकमका आधारमा सबैभन्दा धेरै रकमको कारोबार माथिल्लो तामाकोशीको भएको छ। यसको ६ करोड ४ लाख रूपैयाँको कारोबार भएको हो। यस्तै हिमालयन डिष्टिलरीको ४ करोड ७६ लाख रूपैयाँ र अरूण कावेलीको ४ करोड ६५ लाख रूपैयाँको कारोबार भएको छ।...
काठमाडौं। आज सेयर बजार घटेपनि कारोबार रकम भने बढेको छ। नेपाल स्टक एक्चेञ्ज(नेप्से) का अनुसार आज बजारमा २२९ कम्पनीको कारोबारमा ९ अर्ब ९८ करोड २६ हजार रुपैयाँको कारोबार भएको छ भने हिजो ८ अर्ब ६ करोड रुपैयाँको कारोबार भएको थियो। योसँग आज बजारमा आइतबार भन्दा एक अर्ब ९२ करोड रुपैयाँ बढीको कारोबार भएको छ।
काठमाडौं। साताको पहिलो दिन आज आइतबार नेपाल स्टक एक्सचेन्ज (नेप्से)मा उत्साहजनक वृद्धि आएको छ। नेप्से परिसूचक ७४ अंकले बढ्दै २९ सय अंक नजिक पुगेको छ। सेयर परिसूचकसँगै कारोबार रकम पनि बढेको छ। ८ अर्ब ६ करोड रुपैयाँको कारोबार भई तीन करोड १५ लाख कित्ता सेयर किनबेच भएको छ। अघिल्लो साताको बिहीबार पनि नेप्सेमा वृद्धि देखिएको थियो।
जेठ १, काठमाडौं । कोभिड महामारीका बीच सञ्चालन भइरहेको नेपालको शेयर बजार यो साता ४६ दशमलव ८८ अंकले बढेको छ ।
गत साताको अन्तिम कारोबार दिन वैशाख २३ गते २ हजार ६३७ दशमलव १३ विन्दुमा रहेको नेप्से परिसूचक यो साताको अन्तिम कारोबार दिन वैशाख ३० गते २ हजार ६८४ दशमलव शून्य १ विन्दुमा बन्द भएको हो ।
साताको पाँच ओटा कारोबार दिनमा पहिलो दिन १८ दशमलव ५६ अंकले घटेको बजार बाँकी चार कारोबार दिन भने बढेको छ । साताको दोस्रो दिन २७ दशमलव ४१ अंक, तेस्रो दिन २७ दशमलव ४७ अंक, चौथो दिन शून्य दशमलव ५६ अंक र पाँचौ दिन १० दशमलव १३ अंक परिसूचक बढेको हो । बजारमा शेयर खरीद चाप बढेकाले नेप्से परिसूचक पनि यो साता उकालो लागेको हो ।
देशमा राजनीतिक गतिविधिको अन्योलता र कोभिडका बीच पनि उत्साहित बनेको नेपालको शेयर बजारले राजनीतिक अन्योलताको अन्त्यसँगै अझै गति लिने विश्वास लगानीकर्ताहरुको रहेको छ । कोभिडका कारण अन्य क्षेत्रको व्यवसायिक गतिविधि ठप्प हुँदा ती क्षेत्रका लगानीहरु पनि पूँजीबजारमै भित्रिने विश्वास पनि उनीहरुले गरेका छन् ।
बैंक तथा वित्तीय संस्थाहरुले नियमित सेवा प्रवाह गरिरहँदा नेपालको पूर्ण अनलाईन कारोबार सेवा प्रभावकारी बनेको हो । ९० प्रतिशतभन्दा बढी शेयर कारोबार अनलाईन मार्फत नै हुँदै आएको नेप्सेले जानकारी दिएको छ । हामीले अनलाईन कारोबार र भुक्तानी गर्न नसक्ने लगानीकर्ताहरुले कारोबारमा सहभागी नहुन आग्रह गरेका छौ नेप्सेका एक उच्च अधिकारीले भने, ‘भौतिक उपस्थिति बिना मात्र सेवा प्रदान गर्न सक्ने अवस्थामा अफलाईन कारोबार सेवा दिन असमर्थ रहेका छौ ।’
यो महामारीका बीच नियामक निकाय नेपाल धितोपत्र बोर्डले सम्बद्ध निकायहरुलाई थप संयमित भई सेवा दिन अनुरोध गरेको छ । बोर्डले बजार सम्बद्ध निकायहरुलाई सिस्टम सपोर्ट र सूचना प्रविधी सम्बन्धी कार्य घरबाटै गर्न भनेको छ ।
सिष्टम सञ्चालनका लागि कार्यालयमा ३ जनाभन्दा बढी कर्मचारी नखटाउन, गुनासा तथा समस्या समाधानका लागि प्रयोग भइरहेको कार्यालयको फोनलाई कल डाइभर्ट गरी घरैबाट त्यस्तो सुविधा उपलब्ध गराउने व्यवस्था गर्न र थप मोवाइल नम्बरहरु उपलब्ध गराउन समेत आग्रह गरेको छ ।
कोभिडको महामारीमा स–साना लगानीकर्ताहरुलाई दैनिक खर्च वा औषधी उपचारका लागि शेयर बेचेको अवस्थामा लगानीकर्ताको अनुरोधमा सम्बन्धित ब्रोकरले सम्भव भएसम्म आवश्यकता अनुसारको रकम तत्काल उपलब्ध गराई सहयोग गर्न पनि बोर्डले भनेको छ ।
यो साता नेप्से परिसूचक उकालो लागेपनि कारोबार रकम भने गत साताभन्दा कम भएको छ । गत साता रू. ३३ अर्ब ९६ करोड ९२ लाख २६ हजार बराबरको शेयर कारोबार भएकोमा यो साता रू. २८ अर्ब ६१ करोड ६४ लाख १० हजार बराबरको मात्र शेयर कारोबार भएको हो । सातामा कारोबार रकम रू. ५ अर्ब ३५ करोड २८ लाख १५ हजार कम भएको हो ।
कारोबार रकमसँगै कारोबार कित्ता पनि यो साता घटेको छ । गत साता ७ करोड ५६ लाख ४ हजार ८८५ कित्ता शेयर कारोबार भएकोमा यो साता ७६ लाख ६७ हजार ८५७ कित्ता कम ६ करोड ७९ लाख ३७ हजार २८ कित्ता शेयर कारोबार भएको हो ।
बजारले गति लिएसँगै नेपालको शेयर बजारको आकार अर्थात कुल बजार पूँजीकरण पनि यो साता बढेको छ । गत साता रू. ३६ खर्ब ५८ अर्ब ७६ करोड ४० लाख ३३ हजार रहेको कुल बजार पूँजीकरण रकम यो साताको अन्तिम कारोबार दिन रू. ३७ खर्ब २४ अर्ब ५५ करोड २० लाख ८१ हजार कायम भएको छ । गत साताभन्दा यो साता शेयर बजारको आकार रू. ९१ अर्ब ७१ करोड ७० लाख १८ हजार बढी भएको हो ।
गत साता र यो साता तुलनात्मक रुपमा बजारका सूचकहरु :
स्रोत : नेपाल स्टक एक्सचेञ्ज (नेप्से)
