मंसिर २२ गते साँझ करिब ७ वा ८ बजे, राष्ट्रिय भूकम्पमापन केन्द्रमा रहेको फोनको घन्टी बज्यो । भूकम्पमापन केन्द्रमा यस्तो फोनको घन्टी बज्नु अब सामान्य नै भइसकेको छ । खासगरी ०७२ सालको वैशाख १२ पछि ।
‘हेलो, यो भूकम्पमापन केन्द्र हो ?’ फोनमा अलिकति हडबडाएको स्वर सुनियो ।
‘हजुर हो । को बोल्नुभएको होला ?’ केन्द्रबाट सोधनी भयो ।
उताबाट सोधियो, ‘अहिले भर्खर जुन भूकम्प गयो नि, त्यो कति रेक्टर स्केलको थियो ?’
‘भूकम्प ? अहिले भर्खर ?’ फोन उठाउने कर्मचारी अलिकति झस्के, ‘खोई हजुर, यता त त्यस्तो कुनै रेकर्ड भएको छैन । अहिले त कुनै भूकम्प आएकै छैन हजुर ।’
