वैशाख १३, काठमाडौं । एक्सेल डेभलपमेन्ट बैंक लिमिटेडले चालू आर्थिक वर्षको तेस्रो त्रैमाससम्म रू. १० करोड ५८ लाखभन्दा बढी खुद नाफा गरेको छ । बैंकले गत वर्षको सोही अवधिको तुलनामा भने १० प्रतिशत कम नाफा गरेको हो ।
गत वर्ष यस अवधिसम्म बैंकको खुद नाफा रू. ११ करोड ७७ लाखभन्दा बढी थियो । यस वर्ष बैंकको सञ्चालन नाफा ७ दशमलव १६ प्रतिशत बढी भएपनि रू. २ करोड ९० लाखभन्दा बढी गैर सञ्चालन खर्च भएकाले खुद नाफा घट्न पुगेको हो ।
तेस्रो त्रैमाससम्म बैंकको वितरणयोग्य नाफा भने रू. १ करोड १३ लाखभन्दा बढी रहेको छ । हाल बैंकको चुक्तापूँजी रू. १ अर्ब १५ करोड १७ लाख ९२ हजार रहेको छ । शेयर प्रिमियममा रू. ९८ लाखभन्दा बढी रहेको बैंकको रिटेन्ड अर्निङ रू. ११ करोड ४६ लाखभन्दा बढी र जगेडा कोष रकम रू. ३६ करोड ७५ लाखभन्दा बढी रहेको छ ।
गत वर्षभन्दा यस वर्ष ८ दशमलव २० प्रतिशत कम रू. १० अर्ब ४६ करोड निक्षेप संकलन गरेको बैंकले १२ दशमलव ४० प्रतिशत बढी रू. १० खर्ब ३४ करोडभन्दा बढी कर्जा प्रवाह गरेको छ । गत वर्ष २ दशमलव ६२ प्रतिशत रहेको निष्क्रिय कर्जा यस वर्ष बढेर ३ दशमलव ६७ प्रतिशत पुगेको छ । बैंकको वार्षिक प्रतिशेयर आम्दानी रू. १२ दशमलव २६ र प्रतिशेयर नेटवर्थ रू. १४२ दशमलव ७२ रहेको छ ।
स्रोत : कम्पनीको तेस्रो त्रैमाससम्मको वित्तीय विवरण
