माघ १३, काठमाडौं । एक्सेल डेभलपमेन्ट बैंक लिमिटेडले चालू आर्थिक वर्षको दोस्रो त्रैमाससम्म रू. ४ करोड ७० लाखभन्दा बढी खुद नाफा गरेको छ ।
गत वर्ष यस अवधिसम्म कम्पनीको यो नाफा रू. ९ करोड ९३ लाखभन्दा बढी थियो । गत वर्षभन्दा यस वर्ष कम्पनीको खुद नाफा ५२ दशमलव ६६ प्रतिशत कम भएको हो । सञ्चालन नाफा पनि गत वर्षभन्दा यस वर्ष ५२ दशमलव ६६ प्रतिशतनै घटेको छ ।
गत वर्ष रू. १४ करोड १९ लाखभन्दा बढी सञ्चालन नाफा गरेको कम्पनीले यस वर्ष रू. ६ करोड ७१ लाखभन्दा बढी यो नाफा गरेको हो । दोस्रो त्रैमाससम्म कम्पनीको वितरणयोग्य नाफा रू. ४ करोड २४ लाखभन्दा बढी छ ।
३० प्रतिशत हकप्रद शेयर र १२ प्रतिशत बोनस शेयर मार्फत चुक्तापूँजी वृद्धि गरी रू. १ अर्ब १५ करोडभन्दा बढी पु¥याएको कम्पनीको शेयर प्रिमियम र रिटेन्ड अर्निङ सहित जगेडा कोष रकम रू. ४२ करोड ११ लाखभन्दा बढी कायम भएको छ ।
गत असार मसान्तसम्मको तुलनामा पुस मसान्तसम्म कुल जगेडा कोष रकम १६ दशमलव २२ प्रतिशत घटेको हो । यस अवधिसम्म जगेडा कोष रकम गत वर्ष रू. ५० करोड २६ लाख ६२ हजार थियो । निक्षेप संकलन गत असार मसान्तसम्मको भन्दा २ दशमलव ३६ प्रतिशत वृद्धि भई रू. ११ अर्ब ६६ करोडभन्दा बढी भएको छ भने कर्जा प्रवाह १२ दशमल ४६ प्रतिशत बढी रू. १० अर्ब ३४ करोडभन्दा बढी भएको छ ।
निष्क्रिय कर्जा गत वर्ष ३ दशमलव शू्न्य ५ रहेकोमा यस वर्ष बढेर ३ दशमलव ७१ पुगेको छ । वार्षिक प्रतिशेयर आम्दानी रू. ८ दशमलव १७ रहेको कम्पनीको प्रतिशेयर नेटवर्थ रू. १३६ दशमलव ५६ छ ।
