चैत १५, काठमाडौं । ग्लोबल आइएमई समुन्नत योजना –१ ले फागुन मसान्तसम्म रू. १४ करोड ६९ लाखभन्दा बढी नाफा कमाएको छ ।
माघ महीनामा उक्त योजनाले रू. २० करोड ५३ लाखभन्दा बढी नाफा कमाएकोमा फागुन महीनामा कम नाफा कमाएको हो । माघ महीनाको तुलनामा योजनाको आम्दानी कम र खर्च बढी भएकाले नाफा घटेको देखिन्छ ।
माघ महीनामा रू. २२ करोड ७१ लाखभन्दा बढी आम्दानी गरेको योजनाले फागुन महीनामा रू. १७ करोडभन्दा बढी मात्र आम्दानी गरेको छ । त्यस्तै माघ महीनामा रू. २ करोड १८ लाखभन्दा बढी खर्च गरेको योजनाले फागुन महीनामा रू. २ करोड ३८ लाखभन्दा बढी खर्च गरेको छ ।
सात वर्षे अवधिको बन्दमुखी प्रकृतिको उक्त योजनाले १० करोड इकाई जारी गरेको थियो । योजनाको प्रतिइकाई खुद सम्पत्ति मूल्य रू. १२ दशमलव ६६ रहेको छ । माघ महीनामा योजनाको यो मूल्य रू. १३ दशमलव १९ रहेको थियो ।
फागुन मसान्तसम्म योजनाले धितोपत्रमा गरेको लगानीको परलमूल्यभन्दा बजारमूल्य कम रहेको छ । धितोपत्र दलाल कमिसनसहित रू. १ अर्ब ३० करोडभन्दा बढी लगानी गरेको योजनाको लगानीको बजार मूल्य भने रू. १ अर्ब २३ करोडभन्दा बढी रहेको छ ।
बैंक मुद्दती निक्षेपमा योजनाको लगानी दैखिदैन । योजनाले सूचीकृत र सूचीकृत हुन बाँकी शेयर र ऋणपत्रमा लगानी गरेको छ ।
