शेखर कोइराला आफैं संसदीय दलको नेतामा उम्मेदवार बन्ने भनेर हिँडेपछि महाधिवेशनको शेखर-गगन समूह छिन्नभिन्न भएको बालुवाटारको ठहर छ । शेखर-गगन एकै ठाउँमा हुँदासमेत देउवासँग प्रतिस्पर्धा गर्न संख्या अपुग भएको बेला सो समूहबाट एउटैमात्र उम्मेदवार नहुँदा देउवालाई थप सहज हुने नै छ । तर, कतिपय सांसदहरूको भरोसा नभएका कारण मन्त्री पदको आश्वासन दिएर भनेपनि मिलाउन खोजिएको हो ।