कञ्चनपुर : वेदकोट नगरपालिकामा नेपाली कांग्रेस विजयी भएको छ। वेदकोटको मेयर र उपमेयरमा कांग्रेसका भोजराज बोहरा र तुलसी जोशी विजयी भएका हुन्।बोहराले आठ हजार ७८ मत प्राप्त गर्दा उनकी निकटतम प्रतिद्वन्द्वी नेकपा एमालेकी सुशीला सिंहले चार हजार ७४० मत प्राप्त गरिन्। माओवादी र समाजवादी गठबन्धनका उमेदवार रामचन्द्र रेग्मीले तीन हजार ८९८ पाए ।उपमेयरमा कांग्रेसकी तुलसी जोशी सात हजार २५४ मत ल्याएर विजयी भइन्। उनकी निकटतम प्रतिद्वन्द्वी एमालेकी पार्वतीकुमारी भट्टले ५७२७ मत ल्याइन्।