माघ २०, काठमाडौं । साताको अन्तिम काराबोर दिन बजार खुलेको करीब तीन घण्टाको अवधिमा अपि पावरसहित पाँच ओटा धितोपत्रमा उच्च खरीद माग रहेको छ ।
कारोबारमा आएका २२३ ओटा धितोपत्रमध्ये पाँच ओटा धितोपत्रमा उच्च खरीद माग रहेको छ ।
अपि पावर कम्पनी, एनएमबि फिप्टी, हाइड्रोइलेक्ट्रीसिटी इन्भेष्टमेण्ट एण्ड डेभलपमेण्ट कम्पनी, प्रभु सेलेक्ट फण्ड र सानिमा इक्विटी फण्डको धितोपत्रमा उच्च खरीद माग रहेको हो ।
ती पाँच ओटा धितोपत्रमध्ये सबैभन्दा बढी एनएमबि फिप्टीको ५ लाख ९९ हजार ५१५ इकाई खरीद माग रहेको छ ।
त्यसैगरी अपि पावर कम्पनीको ४ लाख १० हजार ५१० कित्ता, हाइड्रोइलेक्ट्रीसिटीको ३ लाख ८१ हजार २६१ कित्ता,प्रभु सेलेक्ट फण्डको ३ लाख ५२५ इकाई र सानिमा इक्विटी फण्डको ३ लाख १५० इकाई खरीद माग रहेको हो ।
यो समाचार तयार पार्दासम्म नेप्से परिसुचक ४ दशमलव ३१ अंक बढेर २ हजार ८९५ दशमलव ६४ विन्दुमा पुगेको छ भने कुल रू. ५ अर्ब ४७ करोडभन्दा बढीको शेयर खरीदविक्री भएको छ ।
