बागलुङको बडिगाड गाउँपालिमा–९ को मैदाने बस्तीमा बाढी पस्दा १४ घरमा क्षति पुगेको छ ।
अविरल वर्षासँगै मंगलबार राती बस्तीमा पसेको बाढीले स्थानीयको घरघरमा पसेको हो । बाढीले धान खेती गरेको खेतमा ठुलो क्षति गरेको गाउँपालिका अध्यक्ष मेयरसिंह पाईजाले जानकारी दिनुभयो ।
रातको समयमा आएको बाढीले कुनै मानवीय क्षति भएको छैन । घरभित्र हिलो, गेगर र छाम्रा पसेको भए पछि बस्नै नमिल्ने गरी कुनै पनि घरमा क्षति नभएको उहाँले बताउनुभयो ।
भातेखोलामा आएको भल बस्तीमा पुगेको थियो । पहिरोले खोला थुनिएको हुँदा बाढी बस्तीमा आएको स्थानीय टोपबहादुर पुनले बताउनुभयो । खोलामा थुन्ने पहिरो हटाउन गाउँपालिकाले दुई वटा स्काभेटर प्रयोग गरेर काम सुरु गरेको छ ।
