प्राविधिक शिक्षा तथा व्यावसायिक तालिम परिषद् सीटीईभीटीले शुल्क वृद्धिको निर्णय स्थगन गरेको छ । गत साता नर्सिङ, एचए र फार्मेसीको अध्ययन शुल्क वृद्धि गरिएकोमा उक्त निर्णय हाल स्थगित भएको छ ।
प्राविधिक शिक्षा तथा व्यावसायिक तालिम परिषद् (सिटिइभिटी) सानोठिमीबाट स्वास्थ्य शिक्षाका कार्यक्रमहरूमा समयसापेक्ष शुल्क निर्धारण नभएपछि परिषद अन्तर्गत निजी शैक्षिक संस्थाहरूले कलेजका सञ्चालक समितिको निर्णयअनुसार २५ प्रतिशत शुल्क वृद्धि गर्ने निर्णय गरेका छन्।
परिषद्ले बिहीबार एक विज्ञप्ति जारी गर्दै सरोकारवालासँगको छलफलपछि मात्र शुल्क समायोज गर्नेगरी हाललाई शुल्क वृद्धि फिर्ता लिएको जनाएको छ। परिषदले शुल्क वृद्धि गरेपछि यसको चौतर्फी आलोचना हुँदै आएको थियो।
अखिल नेपाल राष्ट्रिय स्वतन्त्र विद्यार्थी यूनियन (क्रान्तिकारी) ले एचए, नर्सिङ र फार्मेसीको शुल्क वृद्धि फिर्ता लिन प्राविधिक शिक्षा तथा व्यावसायिक तालिम परिषद् (सीटीईभीटी)सँग माग गरेको छ ।
