पशुपति क्षेत्रमा दिवंगत पितृका नाममा महादीपदान गर्न आउने भक्तजनको भीड लागेको छ । हज्जारौं भक्तजनहरू बिहीबार साँझदेखि दिवंगत पितृका नाममा बत्ती बालेर जाग्राम बसेका छन् ।मार्गशीर्षकृष्ण त्रयोदशीको बेलुकी पशुपतिनाथमा दिवङ्गत पितृका नाममा महादीपदान गरिन्छ । रातभर जाग्राम बसेर मार्गशीर्षकृष्ण चतुर्दशीका दिन बिहान दीप वाग्मतीमा सेलाएर पशुपति क्षेत्रका विभिन्न स्थानमा शतबीज छरिन्छ । यसो गरेमा दिवङ्गत पितृको सद्गति हुनुका साथै शान्ति पाउने धार्मिक विश्वास छ । ।
