नवलपरासी । राष्ट्रिय जनमोर्चाले नवलपरासीका विभिन्न स्थानमा विरोध सभा सम्पन्न गरेको छ ।
विघटित प्रतिनिधि सभाको पुनर्स्थापनासहित संघीयताको खारेजी, गणतन्त्र र धर्म निरपेक्षताको रक्षा तथा भ्रष्टाचार विरुद्ध जारी अभियान अन्तर्गत प्रतापुर र सुस्ता गाउँपालिकाका गाउँहरुमा पर्चा वितरणसँगै कोण सभाको आयोजना गरेको हो ।
बिहीबार गोपिगञ्ज, सेमरि, वेलाटारी, कुडिया, महलबारी,रुपौलिया, वरुवा लगातका बजारहरुमा पर्चा वितरणका साथै कोणसभा सम्पन्न गरेको राजमो नवलपरासीले जनाएको छ ।
ती कोणसभाहरुमा राष्ट्रिय जनमोर्चा प्रदेश सदस्य रेम राना, जिल्ला सल्लाहकार तिलकप्रसाद सुवेदी, जिल्ला उपाध्यक्ष राजेन्द्र अर्याललगायत नेताहरुले पार्टीको धारणा राख्नु भएको थियोे ।
