देशमा निषेधाज्ञा लगाइराखिएकै छ तर यो नाम मात्रको निषेधाज्ञा छ । जताततै मान्छेको भीड लागेको देख्दा निषेधाज्ञा कायम छ जस्तो लाग्दैन । छोटो तथा लामो दूरीका सवारी साधन चलेका छन् । सरकारी तथा निजी कार्यालयहरू खुलेका छन् । बजार खुलेको छ । उद्योग तथा कलकारखाना चलेका छन् । त्रिभुवन विश्वविद्यालयले विभिन्न तहको वार्षिक परीक्षा पनि सञ्चालन गरिरहेको छ । सार्वजनिक सवारीमा मान्छेको भीड लागेको छ । कार्यालयमा सेवाग्राहीको भीड छ । बजारमा किनमेल गर्नेको तँछाडमछाड छ । यस्तो भीडमा स्वास्थ्य सुरक्षा मापदण्डको पूर्ण पालना हुने
कुरै भएन ।
