सुर्खेत। कर्णाली प्रदेशका प्रदेश प्रमुख गोविन्दप्रसाद कलौनीले कोरोना नियन्त्रण र प्रतिकार्यको लागि प्रदेश सरकारले गरेको प्रयास तथा गतिविधिबारे चासो राखेका छन्। उनले आज प्रदेशका मुख्यमन्त्री महेन्द्रबहादुर शाहीलाई भेटेर चासो व्यक्त गरेका हुन्। मुख्यमन्त्रीले प्रदेश सरकारले विभिन्न अस्पतालहरु तथा स्थानीय सरकारसँग सहकार्य गरी कोरोना महामारी फैलिन नदिने प्रयासहरु गरिरहेको जानकारी दिएका थिए।
