जीवन विकास लघुवित्तले तीन महीनामा कमायो रू. १२ करोडभन्दा बढी नाफा, अन्य सूचक कस्ता ?

काठमाडौं । जीवन विकास लघुवित्त वित्तीय संस्था लिमिटेडले चालू आर्थिक वर्ष (आव)को पहिलो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीले चालू आवको पहिलो त्रैमाससम्ममा रू. १२ करोड ५ लाख नाफा कमाएको छ । यो नाफा गत आवको पहिलो त्रैमासको तुलनामा २१ प्रतिशत कम हो । गत आवमा कम्पनीले रू. १५ करोड ३२ लाख नाफा कमाएको थियो । चालू आवमा कम्पनीको खुद ब्याज आम्दानी र सञ्चालन नाफा घटेकोले नाफा घटेको हो ।  गत आवको तुलनामा चालू आवमा कम्पनीको खुद ब्याज आम्दानी ७ प्रतिशत घटेको छ । त्यस्तै कम्पनीको इम्पेयरमेन्ट चार्ज गत आवमा रू. ५ करोड ८३ लाख छुट्याएकोमा चालू आवमा रू. १० करोड १३ लाख छुट्याएको छ । सोही कारण कम्पनीको सञ्चालन नाफा २१ प्रतिशत घटेको हो ।  चालू आवमा कम्पनीको खुद नाफा घटेसँगै प्रतिशेयर आम्दानी पनि घटेको छ । गत आवमा कम्पनीको प्रतिशेयर आम्दानी ५१ रुपैयाँ ८६ पैसा रहेकोमा चालू आवमा घटेर ४० रुपैयाँ ७८ पैसामा झरेको छ । त्यस्तै कम्पनीको निष्क्रिय कर्जा पनि गत आवको तुलनामा चालू आवमा घटेको छ । गत आवमा कम्पनीको निष्क्रिय कर्जा १ दशमलव १२ प्रतिशत रहेकोमा चालू आवमा बढेर ३ दशमलव २६ प्रतिशत पुगेको छ ।  कम्पनीको चुक्ता पूँजी रू. १ अर्ब १८ करोड छ भने कम्पनीले जगेडामा रू. १ अर्ब २३ करोड र रिटेन्ड अर्निङमा रू. ९५ करोड ६१ लख सञ्चिति गरेको छ । चालू आवमा कम्पनीको मूल्य आम्दानी अनुपात ३२ दशमलव ६६ गुणा र प्रतिशेयर नेटवर्थ २८५ रुपैयाँ ०१ पैसा रहेको छ ।  रिपोर्ट हेर्न यहाँ क्लिक गर्नुहोस्