कम समय र दूरीमा तराईलाई संघीय राजधानी काठमाडौंसँग जोड्न निर्माणाधीन काठमाडौं–तराई/मधेश जोड्ने द्रुुतमार्गको दोस्रो चरणको कार्य निजगढ तर्फबाट शुरू हुने भएको छ ।
द्रुतमार्गको जिरो किलोमिटर रहेको ललितपुरको खोकनामा जग्गाको मुआब्जा लगायतका विवादको समाधान अझै हुन नसकेपछि द्रुतमार्गको अन्तिम विन्दु निजगढतर्फबाट नै द्रुतमार्गको निर्माण काम शुरू गरिने तयारी गरिएको निर्माण व्यवस्थापनको जिम्मा पाएको नेपाली सेनाले जनाएको छ ।
सेनाका अनुसार आर्थिक वर्ष ०७८/७९ देखि द्रुतमार्गको निर्माण कार्य निजगढतर्फबाट नै शुरू गरिने तयारी भ...