एजेन्सी।यू–१५ देखि पोर्चुगलको राष्ट्रिय टोेलीबाट खेल्दै आएका क्रिश्चियानो रोनाल्डो आज हुने हंगेरीविरुद्धको खेलमा पोर्चुगलको प्रभाव पार्न सक्ने खेलाडी हुन्। युरोकपको साविक विजेतासमेत रहेको पोर्चुगलले रोनाल्डोकै कप्तानीमा उपाधि उचालेको थियो। राष्ट्रिय जर्सीमा १०४ गोल गरिसकेका रोनाल्डो पोर्चुगलका सर्वाधिक तथा विश्व फुटबलका दोस्रो सर्वाधिक अन्तर्राष्ट्रिय गोल गर्ने खेलाडी समेत हुन्। इटालियन क्लब युभेन्टसबाट खेलिरहेको रोनाल्डोले १३१ खेलमा १०० गोल गरिसकेका छन्।
