काठमाडौं। नेपालका लागि अनरको आधिकारिक वितरक सेलट्रोन नेपाल प्रालिले चाडपर्व अफर ‘बनाउ दशैं अनरमय’ अफर ल्याएको छ । त्यस्तै ‘अनर को बहार, चाडपर्वमा उपहारै उपहार’ अभियान पनि शुरू गरिएको बताइएको छ, जसमा खरीदकर्ताले स्मार्टफोनको खरीदमा दैनिक उपहार, मेगा उपहार, बम्पर उपहार र भेस्पा जित्ने अवसर प्राप्त गर्ने बताइएको छ ।
अफरको पहिलो खण्डमा दैनिक रू. ५ हजार ९९० को अनर एअरबड्स एक्सफाइभ वा रू. ६ हजार ४९० को अनर ब्यान्ड सिक्स जित्ने बताइएको छ । त्यस्तै दोस्रोमा मेगा गिफ्टको रूपमा ४३ इन्च स्मार्ट टिभी वा अनर वाच फोर वा अनर नाइन्टी फाइभजी जित्न सकिने कम्पनीले जानकारी दिएको छ । उपहारको तेस्रो खण्डमा ग्राहकले ल्यापटप वा थाइल्याण्ड टुर र अन्तिम खण्डमा भेस्पा स्कुटर जित्न सकिने बताइएको छ । असोज १४ देखि शुरू भएको यो अफर कात्तिक ३ सम्म कायम रहने बताइएको छ । अनरले योसँगै उपभोक्ताले स्मार्टफोन र सहायक उपकरणको मूल्यमा छूट पाउने बताएको छ ।
