काठमाडौं । शिवरात्रि पर्व नजिकिएसँगै काठमाडौंको पशुपतिनाथ मन्दिर क्षेत्र सिंगारिन थालिएको छ । पर्वका अवसरमा प्रवेशद्वार निर्माणदेखि पशुपति क्षेत्रका विभिन्न मन्दिरको रङरोगन र सरसफाइ थालिएको हो ।
शिवरात्रिका लागि भारतबाट केही नागा बाबा र जोगी पशुपति क्षेत्रमा पुगिसकेका छन् । उनीहरू आउने क्रम जारी छ । पशुपति क्षेत्र विकास कोषले हरेक वर्ष शिवरात्रिमा भारतका नागा बाबा र जोगी बोलाउने गरेको छ ।
यस वर्षको शिवरात्रि पर्व आगामी शनिवार (फागुन ६ गते) परेको छ ।
तस्वीरहरू : सुनिल शर्मा/आर्थिक अभियान
