ekagaj

कार्तिक २०७९

मेलम्ची प्रभावितका गुनासो सम्बोधन गर्न प्रधानमन्त्रीसामू प्रकाशमान सिंहकाे ध्यानाकर्षण

काठमाडौं- नेपाली कांग्रेसका नेता एवं काठमाडौं १ बाट निर्वाचित सांसद प्रकाशमान सिंहले मेलम्ची खानेपानी आयोजनालाई लिएर प्रधानमन्त्री शेरबहादुर देउवालाई ध्यानाकर्षण पत्र बुझाएका छन् । मंगलबार प्रधानमन्त्री निवास बालुवाटार पुगी उनले काठमाडौंको खानेपानी समस्या समाधानका लागि मेलम्ची आयोजनालाई दीर्घकालीन रुपमा अगाडि बढाउनुपर्ने...

पूर्ण विवरण

सम्बन्धित सामग्री

विराटनगरमा राति १२ बजेसम्म होटेल चलाउने निर्णय

विराटनगर । विराटनगर महानगरपालिकाले महानगरभित्र रात्रिकालीन व्यवसाय सञ्चालन गर्ने तयारी गरेको छ । त्यसका लागि महानगरको समन्वयमा अयोजित सरोकारवालाको बैठकले राति १२ बजेसम्म होटेल व्यवसाय सञ्चालन गर्न दिने निर्णय गरेको छ । बुधवारको उक्त बैठकले विराटनगरको आर्थिक गतिविधि चलायमान बनाउन राति १२ बजेसम्म होटेल र १० बजेसम्म अन्य व्यवसाय सञ्चालन गर्न दिने निर्णय गरेको महानगरका मेयर नागेश कोइरालाले जानकारी दिए । व्यवसायीले रात्रिकालीन व्यवसाय सञ्चालनका लागि पटकपटक महानगरको ध्यानाकर्षण गराउँदै आएका थिए । व्यवसायीको गुनासो सम्बोधन गर्न महानगरले समन्वय गरेर प्रमुख जिल्ला अधिकारी, प्रहरी प्रमुख, सशस्त्र प्रहरी प्रमुख, नेपाल उद्योग वाणिज्य महासंघ कोशी प्रदेश, नेपाल उद्योग परिसंघ कोशी प्रदेश, मोरङ व्यापार संघ, उद्योग संगठन मोरङ, विराट व्यापार संघ, होटेल व्यवसायी संघ, उपभोक्तासँग सम्बद्ध संस्थासहित सरोकारवालाको बैठक राखेको हो । बैठकले रात्रिकालीन व्यवसाय सञ्चालन गर्न आवश्यक पर्ने सुरक्षासहितका अन्य मापदण्ड तय गर्न जिल्ला सुरक्षा समितिलाई सिफारिश गर्ने निर्णय गरेको छ । जिल्ला सुरक्षा समितिले होटेल र अन्य व्यवसाय सञ्चालन गर्दा अपनाउनुपर्ने सुरक्षालगायत मापदण्ड समेटेर कार्यविधि बनाउनेछ । मेयर कोइरालाका अनुसार व्यवसायीले सोही कार्यविधिभित्र रहेर रात्रिकालीन व्यवसाय सञ्चालन गर्नुपर्नेछ । व्यवसायीको पीडा बुझेर महानगरले सरोकारवालाको बैठक राखेको कोइरालाको भनाइ छ । विराटनगरको व्यवसाय प्रवर्द्धनमा महानगरपालिका सधैं गम्भीर रहेको उनले बताए । व्यवसायी पनि एक ढिक्का भएर सहयोग गर्नुपर्नेमा उनले जोड दिए । ग्राहक आएर होटेल र पसल ढिलोसम्म सञ्चालन भए छेउको अर्को व्यवसायीले पुलिसलाई खबर गर्ने गरेको आफूले थाहा पाएकाले व्यवसायीले पनि एकअर्कासँग दुस्मनी होइन, सहकार्य गरेर अघि बढ्नुपर्ने मेयर कोइरालाको सल्लाह छ । उपमेयर शिल्पा निराला कार्कीको अध्यक्षतामा बसेको बैठकमा मोरङका प्रमुख जिल्ला अधिकारी प्रेमप्रसाद भट्टराईले स्थानीय व्यापार व्यवसाय प्रवर्द्धनका लागि कुनै कसर बाँकी नराख्ने बताए । ‘व्यवसायीको पीडा बुझेर महानगरले रात्रिकालीन व्यवसाय सञ्चालनका लागि निकै नै चासो देखाएको छ । मेयर–उपमेयर केही गरौं भन्ने भावनाले प्रेरित भएको मैले पाएँ,’ उनले भने, ‘कानूनको परिधिभित्र बसेर गरिने व्यापार व्यवसाय प्रवर्द्धन गर्न प्रमुख जिल्ला अधिकारीको नाताले म सधैं तत्पर छु ।’ प्रमुख जिल्ला अधिकारी भट्टराईले कानूनले वर्जित गरेकाभन्दा अन्य व्यवसाय सञ्चालनमा समस्या नहुने उल्लेख गरे । सादा पोशाकमा समेत सुरक्षाकर्मी परिचालन गरेर सुरक्षा दिने उनको प्रतिबद्धता छ । भट्टराईले होटेल परिसर र बाहिर सीसी क्यामेरा जडान गर्न व्यवसायीलाई आग्रह गरे । त्यस्तै ध्वनिप्रदूषण नगर्न पनि उनले सुझाव दिए । प्रविधि प्रयोग गरेर कोठाभित्रको आवाज बाहिर नजाने बनाउन सकिने भन्दै भट्टराईले त्यसतर्फ ध्यान दिन व्यवसायीलाई आग्रह गरे । उपमेयर कार्कीले महानगरले अघि सारेको योजनाले सार्थकता पाएको बताइन् । उनले आफूहरूले पहिलादेखि नै होटेल र अन्य व्यवसाय राति ढिलोसम्म सञ्चालन गर्न दिनुपर्छ भन्ने मान्यता राख्दै आएको स्पष्ट पारिन् । कोरोना महामारीपछि होटेल व्यवसाय धराशयी भएको भन्दै व्यवसायीले राति पनि व्यवसाय सञ्चालन गर्न दिनुपर्ने माग गर्दै आएका छन् । अहिले साढे ९ नबज्दै प्रहरीले नै सटर बन्द गराउने गरेको व्यवसायीको गुनासो छ । राज्यले व्यवसायमैत्री वातावरण नबनाए पलायनको विकल्प नभएको उनीहरू बताउँछन् । बैठकमा नेपाल उद्योग परिसंघ कोशी प्रदेशका अध्यक्ष पवनकुमार शारडा, उद्योग संगठन मोरङका अध्यक्ष राकेश सुराना, उद्योग वाणिज्य महासंघ कोशी प्रदेशको पर्यटन समिति संयोजक भवीशकुमार श्रेष्ठ, होटेल एशोसिएशनका राजन श्रेष्ठ, विराट होटेल व्यवसायी संघका सचिव खिलकुमार सुवेदी, रात्रिकालीन होटेल व्यवसायी संघका सचिव नारायण तिम्सिना, होटेल तथा पेय पदार्थ व्यवसायी संघका अध्यक्ष सुरज श्रेष्ठ, पर्यटन व्यवसायी पुण्य भट्टराई, उपभोक्ता जागरण अभियानका कृष्णप्रसाद भण्डारी मार्सेली, पब्लिक फोरमका अध्यक्ष उत्तम ढुंगेललगायतले भारतीय नम्बर प्लेटका सवारीसाधन, भारतीय रुपैयाँ बोकेर आउने पर्यटकलाई दु:ख दिने क्रम रोक्नुपर्ने, भारतीय पक्षसँग समन्वय गरेर राति १२ बजेसम्म भन्सार नाका खोल्नुपर्ने, मापसे चेकजाँचलाई व्यवस्थित बनाउनुपर्ने लगायत माग राखेका थिए । भारतीय पर्यटकलाई आकर्षित गर्न सुरक्षा निकाय, स्थानीय सरकार र व्यवसायीले पर्यटकमैत्री वातावरण बनाउनुपर्नेमा उनीहरूले जोड दिए । रात्रिकालीन व्यवसाय सञ्चालन हुँदा राज्यको करसमेत वृद्धि हुने महानगरको राजस्व महाशाखा प्रमुख सरोज गौतमले बताए । उनले व्यवसायीले तिर्न बाँकी मनोरञ्जन लगायत कर बुझाउन आग्रसमेत गरे ।

Aarthik Abhiyan माघ २०८०

रेलमार्गसम्बन्धी सबैखाले गुनासा सम्बोधन हुन्छन् : मन्त्री ज्वाला

चितवन : भौतिक पूर्वाधार तथा यातायातमन्त्री प्रकाश ज्वालाले पूर्वपश्चिम रेलमार्ग निर्माणका क्रममा जनताका गुनासो सम्बोधन गर्दै सरकार अघि बढ्ने बताएका छन्।पत्रकारसँग कुरा गर्दै उनले रेलमार्ग अध्ययनका क्रममा बस्तीमा परेको भन्दै जनता आन्दोलित बनेको विषयमा सर्वपक्षीय छलफलबाट समस्याको समाधान निकाल्ने बताए। उनले भने, 'जनताको गुनासो सम्बोधन गरेर अघि बढ्छौँ।' तत्काललाई अध्ययनको काम रोकिएको उनले जानकारी दिए।जनताको असन्तुष्टि गुनासाका विषयमा आफ्नो ध्यानाकर्षण भएको उनले बताए। उनले भने, 'आज हामी य

थाहा खबर मंसिर २०८०

सार्वजनिक सेवामा जवाफदेही बन्नुपर्नेमा जोड

काठमाडौं । सार्वजनिक सेवामा जवाफदेहिता र शासन पद्धतिमा प्रभावकारिता आउनुपर्नेमा एक कार्यक्रमका वक्ताहरूले जोड दिएका छन् । पछिल्लो समय नागरिक आफ्नो अधिकारका सचेत हुँदै गएपनि सेवा प्रदान गर्ने निकायहरू जवाफदेही बन्न नसेकेको उनीहरूको भनाइ थियो । बुधवार ट्रन्सपरेन्सी इन्टरनेशनल नेपालले काठमाडौंमा आयोजना गरेको ‘सामाजिक जवाफदेहिता र सदाचारका लागि सहकार्य’ परियोजनाको सामाजिक परीक्षण कार्यक्रमका सहभागीहरूले यस्तो बताएका हुन् । संस्थाकी अध्यक्ष पद्मिनी प्रधानांगले संस्थाले भ्रष्टाचार र सुशासनमा सरकारी निकायको ध्यानाकर्षण गराउँदै आएको बताइन् । उनले अहिले पनि सेवाग्राहीले प्रभावकारी सेवा पाउन नसकेको गुनासो आउने गरेको भन्दै सुशासन र सदाचारको लागि सबै एक भएर लाग्नुपर्ने बताइन् । कार्यक्रममा परियोजनाले परियोजना अवधिमा गरेका क्रियाकलाप र तिनको को बारेमा जानकारी दिइएको थियो । त्यसमाथि उपस्थित सरोकारवालामा टिप्पणी गरेका थिए । परियोजना अवधिमा सीमान्तकृत तथा जोखिममा रहेका वर्गको पहुँच बढाउने, शैक्षिक मूल्य र मान्यता स्थापना गर्ने, भ्रष्टाचार, अनियमितता, ढिलासुस्तीको गुनासो सम्बोधन, सार्वजनिक जवाफदेहिता, स्वच्छ व्यावसायिक अभ्यास लगायतमा १६० क्रियाकलाप सम्पन्न भएको जानकारी दिइएको थियो । परियोजनाअन्तर्गत १ करोड ९३ लाख ९१ हजार रुपैयाँ बजेट विनियोजन गरिएकोमा १ करोड ८४ लाख ८४ हजार रुपैयाँ खर्च भएको बताइएको छ ।

Aarthik Abhiyan भाद्र २०८०

पेट्रोलियम पदार्थकाे मूल्यवृद्धि गुनासो सम्बोधन गर्छाैं: आपूर्तिमन्त्री बडू

उद्योग, वाणिज्य तथा आपूर्ति मन्त्री दिलेन्द्रप्रसाद बडूले पेट्रोलियम पदार्थको मूल्यवृद्धिपछि बढेको जनगुनासो सरकारले सम्बोधन गर्ने बताएका छन् । मूल्यवृद्धि फिर्ता लिन माग गर्दै मंगलबार १५ वटा विद्यार्थी संगठनको संयूक्त ध्यानाकर्षण पत्र बुझ्दै बडूले पेट्रोलियम पदार्थ आफ्नै उत्पादन नभएकाले अन्तर्राष्ट्रिय बजारका कारण मूल्यवृद्धि गर्नु परेको स्पष्ट पारे । सरकारले यसमा कर समायोजन गरी मूल्यमा केही राहत दिन सक्ने उनले बताए ।

कान्तिपुर बैशाख २०७९

तत्काल जग्गा फिर्ता गर्न देको मिवाका जग्गाधनीको माग

देको मिवा इतापाके जग्गा एकीकरण आयोजना छिटो सम्पन्न गरी चाँडोभन्दा चाँडो अस्थायी पुर्जा वितरण गर्न आयोजनाभित्रका जग्गाधनीहरूले माग गरेका छन् ।जग्गाधनीहरूले भक्तपुर नगरपालिकाका नगरप्रमुख प्रजापतिलाई आयोजना छिटो सम्पन्न गर्न गठित दबाब समूहका अध्यक्ष पुरुषोत्तम तमखूले गुनासो सम्बोधन गर्न बाँकी जग्गाबाहेकका जग्गाधनीहरूलाई तत्काल जग्गा फिर्ता गर्न माग गर्दै उक्त ध्यानाकर्षण पत्र बुझाएको हो ।सोही क्रममा नगरप्रमुख […]

कारोबार दैनिक आषाढ २०७८

महालेखा परीक्षकद्वारा सरकारको ध्यानाकर्षण

काठमाडौंः महालेखा परीक्षक टंकमणि शर्मा दंगालले संविधानको परिधि भित्र रहेर कर कार्यान्वयनमा लैजान सरकारको गम्भीर ध्यानाकर्षण गराएका छन्। महालेखा परीक्षक दंगालले कर कार्यान्वयनका सम्बन्धमा कमीकमजोरी भए तत्काल सच्याउन पनि सरकारसँग आग्रह गरे। उनले करसम्बन्धि निजी क्षेत्रको गुनासो सम्बोधन गर्न ढिलाई नगर्न पनि सरकारलाई सुझाव दिए। ...

थाहा खबर आषाढ २०७५