काठमाडौं (अस) । चालू आर्थिक वर्षको प्रथम १० महीनामा रू. १४ अर्बको रासायनिक मल आयात भएको छ । रासायनिक मल आयातमा घट्दो प्रवृत्ति, स्वदेशमा रासायनिक मल उत्पादन हुन नसक्नु र रासायनिक मलको प्रयोगविना उत्पादन हुन नसक्ने गरी माटोको चरित्र परिवर्तन भइसकेका कारण यसको आयातमा व्यवधान आउँदा मुलुकको खाद्य सुरक्षामै गम्भीर असर पर्ने देखिन्छ । रूस–युक्रेन तनाव कारण रासायनिक मल आपूर्तिमा समस्या आइरहेको सन्दर्भमा रासायनिक मलको सहज आपूर्ति सबैको चिन्ताको विषय बन्न पुगेको छ ।
