काठमाडौं। डिजिटल वालेट आइएमई पेले असोज ३ र ४ गते सञ्चालन हुने ‘अल्टिमा अनलाइन मेला’ लक्षित ‘एकको डबल अफर’ सार्वजनिक गरेको छ । अल्टिमाले आफ्नो वेबसाइटको लन्चको अवसरमा सञ्चालन गर्ने मेलामा बिहान ९ देखि ११ बजेसम्म र साँझ ६ देखि राति ८ बजेसम्म एउटा अल्टिमा एटम५२० वा अल्टिमा एटम३२० एयरबड खरीद गर्ने ५०० जना सेवाग्राहीलाई अर्को एयरबड नि:शुल्क प्रदान गर्ने भएको हो । साथै अन्य अल्टिमाका ग्याजेडमा पेमार्फत भुक्तानी गर्दा २५ प्रतिशत छूट प्राप्त हुने बताइएको छ । अल्टिमासँगको रणनीतिक साझेदारीलाई नयाँ उचाइसम्म लैजान तथा डिजिटल कारोबार थप प्रोत्साहन गर्न यो अफर ल्याइएको पेका सीइओ प्रविन रेग्मीले जानकारी दिए ।
