काठमाडौं (अस) । नेपालका लागि टीभीएस मोटरको आधिकारिक वितरक जगदम्बा मोटर्सले आफ्नो एनटर्क परिवारमा ५०,००० सदस्य पुगेको अवसरमा एनटर्कियनका निम्ति सेलिब्रेसन राइड आयोजना गरेको छ । नक्साल टीभीएस सोरुमदेखि धुलिखेलको मिराबेल रिसर्ट होटलसम्म राइड आयोजना गरिएको हो ।
कार्यक्रममा कलाकार रोजिलिन श्रेष्ठको लाइभ म्युजिक, मनोरञ्जक खेल र सहभागीसँग अन्तरक्रियात्मक सत्र आयोजना गरिएको कम्पनीले बताएको छ । सेलिब्रेसनको मुख्य उद्देश्य दर्ता गरिएकामध्ये चुनिएका एनटर्कियनलाई एकै ठाउँ ल्याएर एनटर्कियन क्लब गठन गर्नु रहेको थियो । यसले सबै राइडरलाई एनटर्कियन अनुभव एकअर्कासँग बाडँ्न सहयोग पुग्ने विश्वास कम्पनीको छ ।
लाइसेन्स भएका सबै एनटर्कियनले कम्पनीको आधिकारिक फेसबुक पेजको माध्यमबाट अनलाइन दर्ता गरेर सेलिब्रेसन राइडमा भाग लिएका थिए । टीभीएस परिवारमा ५०,००० सदस्य पुगेको घोषणा आयोजना गरिएको कार्यक्रम सफल भएको जगदम्बा मोटर्सका उपाध्यक्ष दीपक अग्रवालले बताए । कम्पनीले सन् २०१८ मा टीभीएस एनटर्क १२५ नेपालमा पहिलो ब्लुटुथ जडान गरिएको स्कुटर बिक्री सुरु गरेको थियो ।
