अमेरिकामा अहिले भइरहेको मातृ मृत्युदरमा ८० प्रतिशतले कमी ल्याउन सकिने एक अध्ययनले देखाएको छ । अमेरिकी रोग नियन्त्रण तथा निवारण केन्द्र (सिडीसी)ले सार्वजनिक गरेको पछिल्लो प्रतिवेदनमा ८० प्रतिशत मातृ मृत्यु रोक्न सकिने उल्लेख छ ।
सन् २०१७ र २०१९ मा अमेरिकाका ३६ राज्यमा गरेको अध्ययनका आधारमा कुल गर्भवतीमध्ये २२ प्रतिशतले सुत्केरी हुनु अगाडि ज्यान गुमाउने गरेको देखिएको छ । त्यसैगरी २५ प्रतिशत गर्भवतीको सुत्केरी भइरहेका बेला वा सुत्केरी भएको सात दिनभित्रमा ज्यान जाने गरेको छ । बाँकी ५३ प्रतिशतले सुत्केरी भएको सात दिनदेखि एक व...
