काठमाडौं : गोरखास्थित मनास्लु इलाकाको न्याक गाउँमा आएको पहिरोका कारण फसेका दुई इजरायली नागरिकसहित ८ जनाको सकुशल उद्दार गरिएको छ।हिजोदेखि फसेका उनीहरुलाई नेपाली सेनाको टोलीले दुईजना इजरायली नागरिकहरु ओरी ओरअफ र यरीभ बोर्टसहित ६ जना नेपालीलाई आज साँझ उद्धार गरेको हो।नेपाली नागरिकहरु तेम्बा गोथे, हुतेन लामा भोटे, पासाङ भोटे, पासाङ तामाङ, जनकराम राई र मिम्बा छिरिङ शेर्पालाई सेनाको दुई हेलिकप्टरमार्फत उद्दार गरिएको नेपाली सेनाले जनाएको छ।उद्दार गरिएका आठै जनाको अवस्था सामान्य रहेको छ।
