कांग्रेस महाधिवेशनमा दोस्रो चरणको मतदान शुरू भएको छ । साढे ३ बजेबाट शुरू हुने भनिए पनि केहीबेर ढिला गरी मतदान शुरू भएको हो ।
पहिलो चरणको निर्वाचनमा सभापतिका उम्मेदवार कसैले पनि स्पष्ट बहुमत अर्थात् ५० प्रतिशतभन्दा धेरै मत ल्याउन नसकेपछि दोस्रो चरणमा धकेलिएको हो ।
सभापतिका लागि शेरबहादुर देउवा र शेखर कोइरालाबीच प्रतिस्पर्धा हुँदैछ ।
मतदानको समय साँझ साढे ७ बजेसम्मका लागि तोकिएको छ ।
